కావాలయ్యా.. నువ్వే కావాలయ్యా..

అగ్రహీరో రవితేజ తమ్ముడి కొడుకు మాధవ్‌ హీరోగా పరిచయం అవుతున్న చిత్రం ‘మిస్టర్‌ ఇడియట్‌'. సిమ్రాన్‌ శర్మ కథానాయిక.

అగ్రహీరో రవితేజ తమ్ముడి కొడుకు మాధవ్‌ హీరోగా పరిచయం అవుతున్న చిత్రం ‘మిస్టర్‌ ఇడియట్‌’. సిమ్రాన్‌ శర్మ కథానాయిక. గౌరి రోణంకి దర్శకత్వంలో జె.జె.ఆర్‌.రవిచంద్‌ ఈ చిత్రాన్ని నిర్మిస్తున్నారు. త్వరలో సినిమా విడుదల కానుంది. స్టార్‌ మ్యూజిక్‌ డైరెక్టర్‌ థమన్‌ ఈ చిత్రంలోని పాటను సోషల్‌మీడియా ద్వారా విడుదల చేసి, చిత్ర యూనిట్‌కి శుభాకాంక్షలు అందించారు.

‘కావాలయ్యా.. నువ్వే కావాలయ్యా..’ అంటూ సాగే ఈ పాటను భాస్కరభట్ల రాయగా, అనూప్‌రూబెన్స్‌ స్వరపరిచారు. గాయని మంగ్లీ ఆలపించారు. హీరోహీరోయిన్లపై చిత్రీకరించిన ఈ పాట సినిమాకు హైలైట్‌గా నిలుస్తుందని మేకర్స్‌ చెబుతున్నారు. ఈ చిత్రానికి మాటలు: శ్యామ్‌, వంశీ, కెమెరా: రామ్‌రెడ్డి, సమర్పణ: యలమంచి రాణి.