Mega 158 | మెగా 158 గ్రాండ్ లాంచ్ .. చిరంజీవి–పవన్–నాగబాబు ఒకే ఫ్రేములో, అభిమానుల‌కి విజువ‌ల్ ట్రీట్

Mega 158 | టాలీవుడ్‌లో మెగా కుటుంబానికి ఉన్న క్రేజ్ గురించి ప్రత్యేకంగా చెప్పాల్సిన అవసరం లేదు. మెగాస్టార్ చిరంజీవి హీరోగా నటిస్తున్న ప్రతీ సినిమా అభిమానుల్లో భారీ అంచనాలు రేకెత్తిస్తుంది. ఇప్పుడు ఆయన కెరీర్‌లో 158వ చిత్రంగా తెరకెక్కనున్న కొత్త ప్రాజెక్ట్ కూడా ప్రారంభ దశ నుంచే భారీ హైప్‌ను సొంతం చేసుకుంటోంది. దర్శకుడు కొల్లి బాబీ దర్శకత్వంలో రూపొందుతున్న ఈ భారీ చిత్రానికి సంబంధించిన ముహూర్త కార్యక్రమం హైదరాబాద్‌లో అత్యంత వైభవంగా జరిగింది.

Mega 158 | టాలీవుడ్‌లో మెగా కుటుంబానికి ఉన్న క్రేజ్ గురించి ప్రత్యేకంగా చెప్పాల్సిన అవసరం లేదు. మెగాస్టార్ చిరంజీవి హీరోగా నటిస్తున్న ప్రతీ సినిమా అభిమానుల్లో భారీ అంచనాలు రేకెత్తిస్తుంది. ఇప్పుడు ఆయన కెరీర్‌లో 158వ చిత్రంగా తెరకెక్కనున్న కొత్త ప్రాజెక్ట్ కూడా ప్రారంభ దశ నుంచే భారీ హైప్‌ను సొంతం చేసుకుంటోంది. దర్శకుడు కొల్లి బాబీ దర్శకత్వంలో రూపొందుతున్న ఈ భారీ చిత్రానికి సంబంధించిన ముహూర్త కార్యక్రమం హైదరాబాద్‌లో అత్యంత వైభవంగా జరిగింది. ఈ చిత్రాన్ని నిర్మిస్తున్న కేవీఎన్ సంస్థకు ఇది తెలుగు చిత్ర పరిశ్రమలో తొలి ప్రాజెక్ట్ కావడం, పైగా మెగాస్టార్ వంటి లెజెండరీ నటుడితో ప్రారంభం కావడం ప్రత్యేకతగా మారింది. అందుకే దీనిని సాధారణ పూజా కార్యక్రమంగా కాకుండా, భారీ స్థాయిలో నిర్వహించినట్లు కనిపించింది. సినీ వర్గాలతో పాటు అభిమానుల్లో కూడా ఈ వేడుకపై మంచి ఆసక్తి నెలకొంది.

మొదట ఈ ఈవెంట్‌కు ముఖ్య అతిథులుగా ప‌వ‌న్ క‌ళ్యాణ్‌, రామ్ చ‌ర‌ణ్‌ హాజరవుతారని సమాచారం రావడంతోనే సోషల్ మీడియాలో చర్చ మొదలైంది. అయితే కార్యక్రమం ప్రారంభమైన తర్వాత అభిమానులకు మరో అదిరిపోయే సర్ప్రైజ్ ఎదురైంది. మెగా బ్రదర్ నాగ‌బాబు కూడా ఈ వేడుకలో పాల్గొనడంతో మెగా అభిమానుల ఆనందానికి అవధులు లేకుండా పోయాయి. అయితే ఈ కార్యక్రమంలో అందరి దృష్టిని ఆకర్షించిన అంశం ఒక ప్రత్యేకమైన భావోద్వేగ క్షణం. మెగాస్టార్ చిరంజీవి, పవన్ కళ్యాణ్ ఇద్దరూ ఒకరితో ఒకరు సరదాగా మాట్లాడుకుంటూ నవ్వులు పంచుకుంటుండగా, వారిద్దరినీ చూస్తూ నాగబాబు ఆనందంతో మురిసిపోతున్న దృశ్యాలు సోషల్ మీడియాలో వైరల్‌గా మారాయి. ఆ విజువల్స్‌ను చూసిన అభిమానులు “ఇదే అసలు మెగా బాండింగ్”, “మెగా ఫ్యామిలీ అంటే ఇదే” అంటూ కామెంట్లు చేస్తున్నారు.

ఈ వేడుకకు దర్శకుడు వీవీ వినాయ‌క్, నిర్మాత బండ్ల గ‌ణేష్‌, నిర్మాత దిల్ రాజు సహా పలువురు సినీ ప్రముఖులు హాజరయ్యారు. దీంతో ఈ ఈవెంట్ సాధారణ సినిమా ప్రారంభ వేడుకగా కాకుండా, ఒక సినీ వేడుకలా మారిపోయింది. ఇక సినిమా విషయానికి వస్తే, బాబీ గతంలో మాస్ ఎంటర్‌టైనర్‌లతో తన ప్రత్యేక శైలిని నిరూపించుకున్నారు. ఇప్పుడు మెగాస్టార్‌తో ఆయన చేస్తున్న ఈ ప్రాజెక్ట్‌పై ఇప్పటికే భారీ అంచనాలు నెలకొన్నాయి. ప్రారంభ వేడుక నుంచే ఇంతటి స్థాయి ఆసక్తిని రేకెత్తించిన ఈ సినిమా రాబోయే రోజుల్లో మరెన్ని సర్ప్రైజ్‌లు ఇస్తుందో చూడాలి