మారుతి మంచి రోజులు వచ్చాయి విడుదల తేదీ కన్ఫర్మ్.. రజినీకాంత్‌తో పోటీ..

October 3, 2021 / 07:34 PM IST

మారుతి మంచి రోజులు వచ్చాయి విడుదల తేదీ కన్ఫర్మ్ | manchi rojulu vachayi movie release date | Tollywood director maruthi | santosh shoban | mehreen pirzada | manchi rojulochaie — manchi rojulochaie release date poster

manchi rojulochaie movie release date | గోపీచంద్ హీరోగా ఓ వైపు పక్కా కమర్షియల్ సినిమా చేస్తూనే.. మరోవైపు మధ్యలో 30 రోజులు గ్యాప్ తీసుకుని మంచి రోజులు వచ్చాయి సినిమా పూర్తి చేశాడు ద‌ర్శ‌కుడు మారుతి . కేవలం నెల రోజుల్లోనే ఈ సినిమా పూర్తి చేశాడు మారుతి. సంతోశ్‌ శోభన్ హీరోగా నటిస్తున్న ఈ సినిమాలో మెహ్రీన్ హీరోయిన్. ఇప్పటికే ఈ చిత్ర ప్రమోషన్ కూడా మొదలైంది. యూవీ కాన్సెప్ట్స్, మాస్ మూవీ మేకర్స్ సంయుక్తంగా వరస విజయాలతో దూసుకుపోతున్న దర్శకుడు మారుతితో ఈ సినిమాను రూపొందిస్తున్నాయి. ఇప్పటికే విడుదలైన ఈ చిత్ర ఫస్ట్ లుక్‌తో పాటు టీజర్‌, సోసోగా ఉన్నా.. ఎక్కేసిందే పాటలకు అద్భుతమైన స్పందన వచ్చింది. తాజాగా ఈ సినిమా విడుదల తేదీ ఖరారు చేశారు దర్శక నిర్మాతలు. దీపావళి సందర్భంగా నవంబర్ 4న ఈ సినిమా విడుదల కానుంది. ఈ సందర్భంగా పోస్టర్ కూడా విడుదల చేశారు మేకర్స్. రజినీకాంత్ అన్నాత్తే సినిమా కూడా అదే సమయంలో విడుదల కానుంది.

దీపావ‌ళి కానుకగా ఒకేసారి రెండు మూడు సినిమాలు రావడం పెద్ద విషయమేం కాదు. ఇప్పుడు మంచి రోజులు వచ్చాయి సినిమాతో ఇదే చేయబోతున్నాడు మారుతి. కాక‌పోతే ఏకంగా రజినీకాంత్‌తో పోటీకి రెడీ అయ్యాడు. మహానుభావుడు లాంటి సూపర్ హిట్ తర్వాత మారుతి కాంబినేషన్‌లో మెహ్రీన్ కౌర్ ఫిర్జాదా హీరోయిన్‌గా నటిస్తుంది. ఈ సినిమాను వి సెల్యులాయిడ్ SKN నిర్మిస్తున్నారు. టాక్సీవాలా తర్వాత ఈయన నిర్మాణంలో వస్తున్న సినిమా ఇది. మారుతి, వి సెల్యులాయిడ్ SKN అంటే సూపర్ హిట్ కాంబినేషన్. ఈ కాంబోలో ఇప్పుడు మంచి రోజులు వచ్చాయి సినిమా వస్తుంది. ఏక్ మినీ కథ లాంటి హిట్ సినిమాను నిర్మించిన యూవీ కాన్సెప్ట్స్‌తో మరోసారి జోడీ కట్టాడు సంతోశ్‌ శోభన్. సాయి శ్రీరామ్ సినిమాటోగ్రఫీ అందిస్తున్న ఈ చిత్రానికి అనూప్ రూబెన్స్ సంగీతం అందిస్తున్నారు. మిగిలిన వివరాలు దర్శక నిర్మాతలు త్వరలోనే తెలియజేయనున్నారు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి