కెన్యా అడవుల్లో పోరాటాలు?

ఎస్‌.ఎస్‌.రాజమౌళి ‘ఆర్‌ఆర్‌ఆర్‌' సినిమా విడుదలై మూడేళ్లు నిండి, నాలుగో ఏడు నడుస్తున్నది. ప్రస్తుతం మహేశ్‌బాబుతో రాజమౌళి సినిమా చేస్తున్నారు. రీసెంట్‌గానే షూటింగ్‌ కూడా మొదలైంది. మరి విడుదలెప్పుడు? అనేది మిలియన్‌ డాలర్ల ప్రశ్న.

ఎస్‌.ఎస్‌.రాజమౌళి ‘ఆర్‌ఆర్‌ఆర్‌’ సినిమా విడుదలై మూడేళ్లు నిండి, నాలుగో ఏడు నడుస్తున్నది. ప్రస్తుతం మహేశ్‌బాబుతో రాజమౌళి సినిమా చేస్తున్నారు. రీసెంట్‌గానే షూటింగ్‌ కూడా మొదలైంది. మరి విడుదలెప్పుడు? అనేది మిలియన్‌ డాలర్ల ప్రశ్న. సినీప్రియులైతే ఈ సినిమా కోసం కళ్లలో ఒత్తులు పెట్టుకొని మరీ ఎదురుచూస్తున్నారు. రాజమౌళి కూడా వెయ్యికోట్ల ఖర్చుతో నెవ్వర్‌ బిఫోర్‌ అనేలా బిగ్గెస్ట్‌ పాన్‌వరల్డ్‌ అడ్వెంచర్‌గా ఈ సినిమాను తెరకెక్కించే పనిలో ఉన్నారు.

ప్రస్తుతం ఈ సినిమాకు సంబంధించిన అప్‌డేట్‌ ఫిల్మ్‌ సర్కిల్స్‌లో హాట్‌ టాపిక్‌గా మారింది. ఇప్పటివరకూ ఈ సినిమా రెండు షెడ్యూల్స్‌ని పూర్తి చేసుకున్నది. అవి కూడా చిన్న షెడ్యూల్సే. అయితే.. ఈ సారి మాత్రం భారీ షెడ్యూల్‌ని కెన్యా అడవుల్లో జక్కన్న ప్లాన్‌ చేశారట. ఈ షెడ్యూల్‌లోనే హీరోహీరోయిన్లు మహేశ్‌బాబు, ప్రియాంక చోప్రా పాత్రల ఇంట్రడక్షన్‌ కూడా ప్లాన్‌ చేశారట. అంతేకాకుండా, కథలో మేజర్‌ ట్విస్ట్‌ని కూడా ఈ షెడ్యూల్‌లోనే షూట్‌ చేస్తారట.

ఈ క్రమంలో రూపొందించే భారీ యాక్షన్‌ ఎలిమెంట్స్‌ సినిమాకు హైలైట్‌గా నిలుస్తాయని సమాచారం. ఈ సీన్స్‌ కోసం భారీ వీఎఫ్‌ఎక్స్‌ ఇంటర్నేషనల్‌ టెక్నికల్‌ క్రూ పనిచేస్తున్నదట. ‘ఆర్‌ఆర్‌ఆర్‌’ కంటే హై రేంజ్‌లో ఈ సినిమా విజువల్‌ ఎఫెక్ట్స్‌ ఉండనున్నట్లు తెలుస్తున్నది. ట్రెజర్‌ హంట్‌ కథాంశంతో రూపొందుతున్న ఈ అడ్వెంచర్‌ థ్రిల్లర్‌లో పృథ్వీరాజ్‌ సుకుమారన్‌ విలన్‌గా నటిస్తుండగా, మాధవన్‌ కీలక పాత్ర పోషించనున్నారు. ఈ చిత్రానికి సంగీతం: ఎం.ఎం.కీరవాణి, నిర్మాత: కె.ఎల్‌.నారాయణ.