Nayakudu | నాయకుడుగా వస్తున్న మామన్నన్.. ఫస్ట్‌ లుక్‌తో రిలీజ్ అప్‌డేట్‌

Nayakudu | మారి సెల్వరాజ్ తాజాగా పొలిటికల్‌ థ్రిల్లర్ జోనర్‌లో తమిళంలో మామన్నన్ (Maamannan) చిత్రాన్ని తెరకెక్కించిన విషయం తెలిసిందే. తమిళనాడులో ఇటీవలే ప్రేక్షకుల మందుకొచ్చిన ఈ చిత్రం సూపర్ హిట్ టాక్‌ సొంతం చేసుకుంది. ఇప్పుడిక తెలుగు ప్రేక్షకులను కూడా ఎంటర్‌టైన్‌ చేసేందుకు రెడీ అయింది.

Nayakudu| కంటెంట్‌ ఓరియెంటెడ్‌ సినిమాలతో తనదైన మార్క్‌ క్రియేట్ చేసుకున్నాడు తమిళ దర్శకుడు మారి సెల్వరాజ్. ఈ టాలెంటెడ్‌ డైరెక్టర్‌ తాజాగా పొలిటికల్‌ థ్రిల్లర్ జోనర్‌లో తమిళంలో మామన్నన్ (Maamannan) చిత్రాన్ని తెరకెక్కించిన విషయం తెలిసిందే. పాపులర్‌ స్టార్ కమెడియన్ వడివేలు (Vadivelu), ఉదయనిధి స్టాలిన్ (Udhayanidhi Stalin) ప్రధాన పాత్రల్లో నటించారు. తమిళనాడులో ఇటీవలే ప్రేక్షకుల మందుకొచ్చిన ఈ చిత్రం సూపర్ హిట్ టాక్‌ సొంతం చేసుకుంది.

ఇప్పుడిక తెలుగు ప్రేక్షకులను కూడా ఎంటర్‌టైన్‌ చేసేందుకు రెడీ అయింది. ఈ చిత్రం తెలుగులో నాయకుడు (Nayakudu) పేరుతో విడుదలవుతుంది. ఏసియన్ సినిమాస్‌, సురేశ్ ప్రొడక్షన్స్ సంయుక్తంగా ఈ చిత్రాన్ని తెలుగులో విడుదల చేస్తున్నాయి. జులై 14న నాయకుడు చిత్రాన్ని విడుదల చేస్తున్నట్టు ప్రకటిస్తూ.. పోస్టర్‌ను షేర్ చేసింది సురేశ్ ప్రొడక్షన్స్‌. సినిమాలోని లీడ్ క్యారెక్టర్స్‌తో డిజైన్ చేసిన నయా పోస్టర్‌ నెట్టింట ట్రెండింగ్ అవుతోంది.

ఈ చిత్రంలో నేషనల్ అవార్డు విన్నింగ్ బ్యూటీ కీర్తిసురేశ్‌ ఫీ మేల్ లీడ్ రోల్‌లో నటించగా.. ఫహద్ ఫాసిల్‌ కీలక పాత్రలో నటించాడు. ఈ చిత్రానికి ఆస్కార్ విన్నింగ్‌ మ్యూజిక్ డైరెక్టర్ ఏఆర్ రెహమాన్‌ సంగీతం అందించారు. ఏఆర్‌ రెహ్మాన్ ఈ చిత్రంలో వడివేలుతో ఓ పాట కూడా పాడించాడు. ఈ చిత్రాన్ని రెడ్ జియాంట్‌ మూవీస్‌పై ఎం షెంగబాగ్‌ మూర్తి, ఆర్‌ అర్జున్ దురై నిర్మించారు. ఇప్పటికే విడుదలైన మామన్నన్ ఫస్ట్‌ లుక్‌ సినిమాపై క్యూరియాసిటీ పెంచుతోంది. వడివేలు వన్‌ మ్యాన్ షోలా సినిమా సాగుతుందని ఇప్పటికే వచ్చిన ఫీడ్ బ్యాక్ చెబుతోంది.

 

The latest blockbuster in Tamilnadu🔥 #MAAMANNAN is now ready to mesmerise the Telugu audience as #Nayakudu 😍🤩

Grand Release on July 14th 💥

Release by @SureshProdns@AsianCinemas_ @mari_selvaraj @Udhaystalin @RedGiantMovies_ @KeerthyOfficial @arrahman pic.twitter.com/rQNLwwvXak

— Suresh Productions (@SureshProdns) July 6, 2023