Lokesh Kanagaraj | కోలీవుడ్ స్టార్ హీరో దళపతి విజయ్ (Vijay) టైటిల్ రోల్లో నటిస్తున్న చిత్రం ‘లియో’ (Leo.. Bloody Sweet). త్రిష హీరోయిన్గా నటిస్తుండగా.. లోకేశ్ కనగరాజ్ (Lokesh Kanagaraj) దర్శకత్వం వహిస్తున్నాడు. ఈ సినిమాపై అభిమానుల్లో భారీ అంచనాలు ఉండగా.. లియో కోసం విజయ్ అభిమానులు వేయి కళ్లతో ఎదురుచూస్తున్నారు. ఇక ఈ సినిమా అక్టోబర్ 19న ప్రపంచవ్యాప్తంగా గ్రాండ్గా విడుదల కానుంది.
ఇదిలా ఉంటే ‘లియో’ విడుదల సందర్భంగా దర్శకుడు లోకేశ్ కనగరాజ్ (Lokesh Kanagaraj), ‘లియో’ డైలాగ్ రైటర్ రత్న కుమార్, లియో సినిమా యూనిట్ గురువారం తిరుమల వేంకటేశ్వర స్వామివారిని దర్శించుకోనున్నారు. గురువారం ఉదయం కాలినడకన తిరుమలకు చేరుకున్న లియో యూనిట్.. మధ్యాహ్నం శ్రీవారిని దర్శించుకోనున్నారు. ఇందుకు సంబంధించిన ఫొటోలు, వీడియోలు సోషల్ మీడియాలో వైరల్ అవుతున్నాయి. అంతకుముందు.. తిరుపతి అలిపిరి మెట్ల మార్గం గుండా కాలినడకన వీరంతా తిరుమలకు.. రాగా టీటీడీ సిబ్బంది లియో టీమ్కు మెట్ల మార్గంలో ప్రోటెక్షన్ ఇచ్చింది.
#LokeshKanagaraj and his team at #Tirupati
#Leo #Tirumala #LeoThirdSingle#Leo #LeoFromOctober19 #LeoUpdate #ThalapathyVijay𓃵pic.twitter.com/zi7AJ3tLIH
— Trend Box (@TrendBox_) October 11, 2023
For #Leo
From #Thirumalai
With @Dir_Lokesh pic.twitter.com/1Chf7KTlu7— Rathna kumar (@MrRathna) October 12, 2023
ఇక లియో మూవీ తెలుగు ప్రీ రిలీజ్ ఈవెంట్కు సంబంధించి ఒక సాలిడ్ న్యూస్ సోషల్ మీడియాలో చక్కర్లు కొడుతుంది. ఈ చిత్ర తెలుగు ప్రీ రిలీజ్ ఈవెంట్ను హైదరాబాద్లో గ్రాండ్గా నిర్వహించడానికి మేకర్స్ ప్లాన్ చేస్తున్నారని సమాచారం. ఈ వేడుకకు దళపతి విజయ్ రావట్లేదని.. చీఫ్ గెస్ట్లుగా లోకేష్ కనగరాజ్, అనిరుధ్లతో పాటు చిత్రబృందం పాల్గోనుందని టాక్. ఇక ఈ ప్రీ రిలీజ్ ఈవెంట్లో అనిరుధ్ లైవ్ పెర్ఫార్మన్స్ కూడా ఉండే అవకాశం ఉన్నట్లు సోషల్ మీడియాలో వార్తలు వస్తున్నాయి. కాగా దీనిపై చిత్రబృందం అధికారికంగా ప్రకటించాల్సి ఉంది.