Leo Movie | అంతా బాగానే జరుగుతుందనుకున్న టైమ్లో లియో తెలుగు రిలీజ్పై కోర్టు స్టే విధించడంతో అందరూ ఒక్క సారిగా షాకయ్యారు. రెండు రోజుల్లో రిలీజ్ పెట్టుకుని ఇప్పుడు ఇలా జరగడం ఏంటని విజయ్ తెలుగు ఫ్యాన్స్ ఆందోళన చెందారు. ఇక ఇప్పటికే టిక్కెట్లు బుక్ చేసుకున్న ఆడియెన్స్ సైతం టెన్షన్ పడ్డారు. కాగా రీసెంట్గా ఈ విషయంపై నాగవంశీ ప్రెస్ మీట్ పెట్టి సినిమా ఖచ్చితంగా అనుకున్న తేదీకే రిలీజ్ అవుతుందని చెప్పాడు. చెప్పినట్లుగానే లియో టైటిల్ చుట్టూ అల్లుకున్న చిక్కులను తొలిగించాడు.
తెలుగులో లియో టైటిల్ను ఒకరు ఆల్రెడీ రిజిస్టర్ చేసుకున్నారు. దాంతో ఆ వ్యక్తితో చర్చలు జరిపి సమస్యకు ముగింపు పలికాడు. కాగా టైటిల్ రిజిస్టర్ చేసుకున్న వారికి నాగవంశీ రూ.26.5 లక్షలు ముట్టజెప్పి వివాదాన్ని ముగించినట్లు సమాచారం. ఇక లియో బుకింగ్స్ తెలుగులోనూ అదరగొడుతున్నాయి. పైగా లోకేష్ సినిమాటిక్ యూనివర్స్లో భాగంగా తెరకెక్కినట్లు ప్రచారం జరగడంతో టిక్కెట్లు హాట్ కేకుల్లా అమ్ముడవుతున్నాయి. ఇక ఈ సినిమాను తెలుగులో నాగవంశీ రిలీజ్ చేస్తున్నాడు.
దాదాపు రూ.18 కోట్ల బ్రేక్ ఈవెన్తో రంగంలోకి దిగనున్న ఈ సినిమా తొలిరోజే అందులో సగం కలెక్ట్ చేసేలా కనిపిస్తుంది. సినిమాకు ఏ మాత్రం పాజిటీవ్ టాక్ వచ్చినా.. తెలుగులో విజయ్కు కెరీర్ బెస్ట్ ఓపెనింగ్స్ తీసుకొచ్చిన సినిమగా ఇది పక్కా నిలుస్తుంది. త్రిష హీరోయిన్గా నటిస్తున్న ఈ సినిమాకు అనిరుధ్ స్వరాలు సమకూర్చుతున్నాడు. యాక్షన్ కింగ్ అర్జున్ కీలకపాత్రలో నటించగా.. బాలీవుడ్ నటుడు సంజయ్ దత్ ప్రతినాయకుడిగా కనిపిస్తున్నాడు.