Leo Movie | కోలీవుడ్ స్టార్ హీరో దళపతి విజయ్ (Vijay) టైటిల్ రోల్లో నటిస్తున్న చిత్రం ‘లియో’ (Leo.. Bloody Sweet). త్రిష హీరోయిన్గా నటిస్తుండగా.. లోకేశ్ కనగరాజ్ (Lokesh Kanagaraj) దర్శకత్వం వహిస్తున్నాడు. ఈ సినిమాపై అభిమానుల్లో భారీ అంచనాలు ఉండగా.. లియో కోసం విజయ్ అభిమానులు వేయి కళ్లతో ఎదురుచూస్తున్నారు. ఇక ఈ సినిమా అక్టోబర్ 19న విడుదల కానుంది. ఇదిలా ఉంటే విజయ్ అభిమానులకు ఒక సర్ప్రైజ్ న్యూస్ వచ్చింది.
ఈ చిత్ర ప్రీ రిలీజ్ ఈవెంట్ను మొదట మలేషియాలో నిర్వహిస్తామని చిత్రబృందం ప్రకటించిన విషయం తెలిసిందే. అయితే విదేశాల్లో ఈ మ్యూజిక్ లాంచ్ ఈవెంట్ను నిర్వహించేందుకు విజయ్ నిరాకరించాడు. దీంతో ఆ ఈవెంట్ను తమిళనాడులో సెప్టెంబర్ 30న నిర్వహించనున్నట్లు చిత్ర నిర్మాణ సంస్థ సెవెన్ స్క్రీన్ స్టూడియో తెలిపింది. అయితే ఈ ఈవెంట్ను కూడా క్యాన్సిల్ చేస్తున్నట్లు చిత్రబృందం రీసెంట్గా ప్రకటించింది.
ఇదిలా ఉంటే.. ఈ సినిమా గురించి ఓ ఆసక్తికరమైన వార్త ఒకటి బయటకు వచ్చింది. ఈ చిత్ర ప్రీ రిలీజ్ ఈవెంట్ను దుబాయ్లో గ్రాండ్గా నిర్వహించడానికి మేకర్స్ ప్లాన్ చేస్తున్నారని సమాచారం. ఇక మ్యూజిక్ లాంచ్ ఈవెంట్ క్యాన్సిల్ అవ్వడంతో.. ప్రీ రిలీజ్ ఈవెంట్ను అయిన ఘనంగా జరపాలని చిత్రబృందం భావిస్తోందట. దీంతో దుబాయ్లోని సిలికాన్ సెంట్రల్ మాల్, దుబాయ్ సిలికాన్ ఒయాసిస్ వేదికగా అక్టోబర్ 12న ఈ వేడుక నిర్వహించాలని నిర్ణయించుకున్నట్లు తెలిసింది. ఇక ఈ వేడుకకు దళపతి విజయ్ రావట్లేదని.. చీఫ్ గెస్ట్లుగా లోకేష్ కనగరాజ్, అనిరుధ్లతో పాటు చిత్రబృందం పాల్గోనుందని మేకర్స్ తెలిపారు.
#Leo pre-release event in Dubai. Lokesh Kanagaraj and Anirudh will attend, along with some other team members. No Thalapathy. pic.twitter.com/nAHMDC46qU
— LetsCinema (@letscinema) October 6, 2023
ఇక ఈ సినిమా డిజిటల్, శాటిలైట్ రైట్స్ భారీ మొత్తానికి అమ్ముడుపోయాయని సెవెన్ స్క్రీన్ స్టూడియో వెల్లడించింది. డిజిటల్ రైట్స్ ను నెట్ఫ్లిక్స్ దక్కించుకోగా.. శాటిలైట్ హక్కులను సన్ టీవీ సొంతం చేసుకుంది. ఈ సినిమా థ్రియాట్రికల్, డిజిటల్, ఆడియో, శాటిలైట్ రైట్స్ తో కలిపి రూ.400 కోట్ల ప్రీ రిలీజ్ బిజినెస్ చేసినట్లు టాక్.
లియోలో బాలీవుడ్ స్టార్ యాక్టర్ సంజయ్దత్, యాక్షన్ కింగ్ అర్జున్ తోపాటు ప్రియా ఆనంద్, మన్సూర్ అలీఖాన్, గౌతమ్ వాసు దేవ్మీనన్, మిస్కిన్, మాథ్యూ థామస్, సాండీ ఇతర కీలక పాత్రలు పోషిస్తున్నారు. అనిరుధ్ రవిచందర్ మ్యూజిక్ అందిస్తున్నాడు. లియోకు డైరెక్టర్ లోకేశ్ కనగరాజ్తోపాటు రత్నకుమార్, ధీరజ్ వైడీ డైలాగ్స్ అందిస్తున్నారు.