క్షుద్రపూజల నేపథ్యంలో..

చేతబడులు, క్షుద్రపూజల నేపథ్యంలో నిజజీవితంలో జరిగిన కొన్ని సంఘటనల ఆధారంగా తెరకెక్కుతున్న మిస్టికల్‌ థ్రిల్లర్‌ ‘కాళంకి భైరవుడు’. రాజశేఖర్‌వర్మ ప్రధాన పాత్ర పోషిస్తున్న ఈ చిత్రంలో రితిక, పూజ కిరణ్‌, భవ్యశ్రీ కీలక పాత్రధారులు. హరిహరన్‌.వి దర్శకుడు. కేఎన్‌ రావు, డా.రచ్చమల్ల శ్రీనివాసరావు నిర్మాతలు.

చేతబడులు, క్షుద్రపూజల నేపథ్యంలో నిజజీవితంలో జరిగిన కొన్ని సంఘటనల ఆధారంగా తెరకెక్కుతున్న మిస్టికల్‌ థ్రిల్లర్‌ ‘కాళంకి భైరవుడు’. రాజశేఖర్‌వర్మ ప్రధాన పాత్ర పోషిస్తున్న ఈ చిత్రంలో రితిక, పూజ కిరణ్‌, భవ్యశ్రీ కీలక పాత్రధారులు. హరిహరన్‌.వి దర్శకుడు. కేఎన్‌ రావు, డా.రచ్చమల్ల శ్రీనివాసరావు నిర్మాతలు. వచ్చే నెల 24న సినిమా విడుదల కానున్నది. ఈ సందర్భంగా ఈ సినిమా టీజర్‌ లాంచ్‌ ఈవెంట్‌ని గురువారం హైదరాబాద్‌లో నిర్వహించారు.

దర్శకుడు సాయిరాజేశ్‌ ఈ కార్యక్రమానికి అతిథిగా విచ్చేసి చిత్రబృందానికి శుభాకాంక్షలు అందించారు. ఈ సినిమాలో భాగం కావడం పట్ల ప్రధాన పాత్రధారులంతా ఆనందం వెలిబుచ్చారు. దర్శకుడు హరిహరన్‌ విజన్‌ అద్భుతమని, ఆసక్తికరమైన, స్ఫూర్తిదాయకమైన సంఘటనలతో సినిమా రూపొందుతున్నదని నిర్మాత కేఎన్‌ రావు అన్నారు. నిజజీవిత సంఘటనల ప్రేరణతో ఈ సినిమాను తెరకెక్కిస్తున్నట్టు దర్శకుడు హరిహరన్‌.వి తెలిపారు. ఇంకా సంగీత దర్శకుడు పి.ఆర్‌ కూడా మాట్లాడారు.