ఎక్కడ చూసినా ‘ఆయ్‌’ సందడే..!

‘ఈ కథ నా దగ్గరకు వచ్చినప్పుడు ‘కొడితే పదిమంది కింద పడే కథ కాదు కదా? అనడిగాను. ఎంత గొప్ప ఫ్యామిలీ నుంచి వచ్చినా ఎవరి కష్టం వారు పడాలని ఎన్టీఆర్‌ ఓ సందర్భంలో అన్నారు. నార్నే నితిన్‌ కూడా ఈ సినిమా కోసం చాలా కష్టపడ్డాడు’ అన్నారు అగ్ర నిర్మాత అల్లు అరవింద్‌.

‘ఈ కథ నా దగ్గరకు వచ్చినప్పుడు ‘కొడితే పదిమంది కింద పడే కథ కాదు కదా? అనడిగాను. ఎంత గొప్ప ఫ్యామిలీ నుంచి వచ్చినా ఎవరి కష్టం వారు పడాలని ఎన్టీఆర్‌ ఓ సందర్భంలో అన్నారు. నార్నే నితిన్‌ కూడా ఈ సినిమా కోసం చాలా కష్టపడ్డాడు’ అన్నారు అగ్ర నిర్మాత అల్లు అరవింద్‌.

ఆయన సమర్పకుడిగా తెరకెక్కిన చిత్రం ‘ఆయ్‌’. ఎన్టీఆర్‌ బావమరిది నార్నే నితిన్‌ హీరోగా నటించిన ఈ చిత్రానికి అంజి కే మణిపుత్ర దర్శకుడు. జీఏ2 పిక్చర్స్‌ పతాకంపై బన్నీవాసు, విద్యా కొప్పినీడు నిర్మించారు. నేడు ప్రేక్షకుల ముందుకొస్తున్నది. మంగళవారం హీరో నిఖిల్‌, శ్రీలీల ముఖ్య అతిధులుగా ప్రీరిలీజ్‌ ఈవెంట్‌ను నిర్వహించారు.

ఈ సందర్భంగా మాట్లాడిన హీరో నిఖిల్‌..సోషల్‌మీడియాతో పాటు బయట ఎక్కడ చూసినా ‘ఆయ్‌’ సందడే కనిపిస్తున్నదని, ఈ సినిమా బ్లాక్‌బస్టర్‌ హిట్‌ కావాలని ఆకాంక్షించారు. ‘ఈ కథ విన్నప్పుడు ‘జాతిరత్నాలు’ సినిమా గుర్తుకొచ్చింది. నార్నే నితిన్‌ అంకితభావంతో పనిచేశాడు’ అని నిర్మాత బన్నీ వాసు తెలిపారు. ఈ కథ విన్న తర్వాత అల్లు అరవింద్‌గారు ఫోన్‌ చేసి ఎంతగానో ఎంకరేజ్‌ చేశారని, ఈ ప్రపంచంలో కులాలు, మతాల కంటే స్నేహమే గొప్పదనే అంశాన్ని ఈ సినిమాలో చూపించామని హీరో నార్నే నితిన్‌ పేర్కొన్నారు.