John Abraham | హాలీవుడ్ లెవల్లో జాన్ అబ్ర‌హం సినిమా.. ఆక‌ట్టుకుంటున్న ‘ఎటాక్’ ట్రైల‌ర్‌

బాలీవుడ్ స్టార్ జాన్ అబ్ర‌హం న‌టించిన లేటెస్ట్ మూవీ 'ఎటా'క్‌. ల‌క్ష్య‌రాజ్ ఆనంద్ ద‌ర్శ‌క‌త్వం వ‌హించిన ఈ చిత్రం రెండు భాగాలుగా తెర‌కెక్కింది.

John Abraham Attack trailer | బాలీవుడ్ స్టార్ జాన్ అబ్ర‌హం న‌టించిన లేటెస్ట్ మూవీ ‘ఎటా’క్‌. ల‌క్ష్య‌రాజ్ ఆనంద్ ద‌ర్శ‌క‌త్వం వ‌హించిన ఈ చిత్రం రెండు భాగాలుగా తెర‌కెక్కింది. ఇప్ప‌టికే షూటింగ్ పూర్తి చేసుకున్న మొద‌టి భాగం క‌రోనా కారణంతో విడుద‌ల వాయిదా ప‌డుతూ వ‌స్తుంది. ఎట్ట‌కేల‌కు ఈ చిత్రాన్ని ఏప్రిల్ 1న విడుద‌ల చేయ‌నున్న‌ట్లు మేక‌ర్స్ విడుద‌ల చేశారు. ఇప్ప‌టికే చిత్రం నుంచి విడులైన టీజ‌ర్, ట్రైల‌ర్ సినిమాపై భారీ అంచ‌నాల‌ను పెంచాయి. తాజాగా సెకండ్ ట్రైల‌ర్‌ను మేక‌ర్స్ విడుద‌ల చేశారు. సైన్స్ ఫిక్ష‌న్ నేప‌థ్యంలో తెర‌కెక్కుతున్న ఈ చిత్రంలో జాన్ అబ్ర‌హం అసాధార‌ణ ప‌వ‌ర్స్ ఉన్న సూప‌ర్ హీరోగా ఇండియ‌న్ ఆర్మీగా న‌టిస్తున్నాడు.

తాజాగా విడుద‌లైన ట్రైల‌ర్ హాలీవుడ్ రేంజ్‌లో విఎఫ్ఎక్స్ క‌నిపిస్తున్నాయి. హై యాక్ష‌న్ సీన్స్ అద్భుతంగా ఉన్నట్లు తెలుస్తుంది. భ‌విష్య‌త్తులో ఆధునిక టెక్నాల‌జీని ఆర్టిఫిషియ‌ల్ ఇంట‌లీజెన్స్‌ని ఉప‌యోగించుకుని యుద్ధాలు ఎలా జ‌రుగుతాయి? వాటిని ఎదుర్కోడానికి ఎలా సిద్ధ‌ప‌డాల‌నే త‌ర‌హా కాన్సెప్ట్‌తో ఈ చిత్రం ఉండ‌నున్న‌ట్లు తెలుస్తుంది. ఈ చిత్రంలో అబ్ర‌హంకు జోడిగా జాక్వెలిన్ ఫెర్నాండేజ్ హీరోయిన్‌గా న‌టించింది. ర‌కుల్ ప్రీత్ సింగ్ సైంటిస్ట్‌గా న‌టించింది. ప్ర‌కాష్ రాజ్ కీల‌క‌పాత్ర‌లో న‌టించాడు.