Jawan Movie | 50 రోజులు పూర్తి చేసుకున్న షారుఖ్ ‘జవాన్‌’.. మొత్తం వసూళ్లు ఎంతంటే.!

Jawan Movie | బాలీవుడ్ బాద్‌షా షారుఖ్ ఖాన్‌ (Shah Rukh Khan) నటించిన‌ తాజా యాక్షన్‌ ఎంటర్‌టైనర్‌ ‘జవాన్‌’ (Jawan). అట్లీ (Atlee) దర్శకత్వంలో తెరకెక్కిన ఈ చిత్రం సెప్టెంబ‌ర్ 7వ తేదీన ప్రేక్షకుల ముందుకు వచ్చి బ్లాక్‌బస్టర్‌ హిట్‌ అందుకుంది.

Jawan Movie | బాలీవుడ్ బాద్‌షా షారుఖ్ ఖాన్‌ (Shah Rukh Khan) నటించిన‌ తాజా యాక్షన్‌ ఎంటర్‌టైనర్‌ ‘జవాన్‌’ (Jawan). అట్లీ (Atlee) దర్శకత్వంలో తెరకెక్కిన ఈ చిత్రం సెప్టెంబ‌ర్ 7వ తేదీన ప్రేక్షకుల ముందుకు వచ్చి బ్లాక్‌బస్టర్‌ హిట్‌ అందుకుంది. ఇప్ప‌టివ‌ర‌కు ఈ చిత్రం సుమారు రూ.1150 కోట్లకు పైగా కలెక్ట్‌ చేసి బాలీవుడ్‌ చరిత్రలో సరికొత్త రికార్డు సృష్టించింది. ఇక ఈ ఏడాది పఠాన్‌తో వెయ్యి కోట్లు కొల్లగొట్టిన షారుఖ్‌.. జవాన్‌తో పఠాన్‌ రికార్డులను పాతాళానికి పంపుతున్నాడు. ఇదిలా ఉంటే.. తాజాగా ఈ సినిమా 50 రోజులు పూర్తి చేసుకున్న‌ట్లు ద‌ర్శ‌కుడు అట్లీ ట్విట్ట‌ర్ వేదిక‌గా తెలిపాడు. దీనితో పాటు ఒక స్పెష‌ల్ నోట్ పెట్టాడు.

జవాన్’ (Jawan) సినిమా మీ ముందుకు వచ్చి 50 రోజులవుతోంది. ఈ మూవీ వ‌చ్చి 50 రోజులు గడిచినా ఇప్పటికీ ఈ చిత్రం కొన్ని లక్షల మంది హృదయాలను గెలుచుకుంటుంది. ప్రపంచమంతా జవాన్ హవా కనిపిస్తూనే ఉంది అంటూ అట్లీ రాసుకోచ్చాడు. దీనితో పాటు ఒక పోస్ట‌ర్‌ను కూడా విడుద‌ల చేశాడు. కాగా.. 50వ రోజు కూడా సుమారు రూ.11లక్షలు వసూళ్లు చేసింది ఈ చిత్రం.

50 days and still winning millions of hearts, Jawan is ruling every corner of the world!🔥❤️

Book your tickets now!https://t.co/uO9YicOXAI

Watch #Jawan in cinemas – in Hindi, Tamil & Telugu. pic.twitter.com/cY1NnvKX6N

— atlee (@Atlee_dir) October 26, 2023

అట్లీ దర్శకత్వంలో వచ్చిన ఈ యాక్షన్‌ ఎంటర్‌టైనర్‌లో షారుక్‌ సరసన నయనతార (Nayanathara) నటించగా.. విజయ్‌ సేతుపతి(Vijay Sethupathy), దీపిక పదుకొణె (Deepika Padukone), ప్రియమణి (Priyamani), సునీల్‌ గ్రోవర్‌ (Suni Groover), సాన్య మల్హోత్ర (Sanya Malhotra), యోగిబాబు (Yogi babu) తదితరులు కీలకపాత్రలు పోషించారు.

మ‌రోవైపు ఈ సినిమాకు సంబంధించి ఓటీటీ స్ట్రీమింగ్‌ డేట్ కూడా వ‌చ్చేసింది. ఈ సినిమా నెట్‌ఫ్లిక్స్‌లో నవంబర్ 2నుంచి స్ట్రీమింగ్‌ కానుంది. అంతేకాకుండా ఈ సినిమా ఓటీటీ కట్‌ వెర్షన్‌ మరోలా ఉండబోతుందని, కత్తెర పడిన చాలా సీన్స్‌ను ఓటీటీ వెర్షన్‌లో యాడ్‌ చేస్తున్నట్లు తెలుస్తుంది. హిందీ మీడియా టాక్‌ ప్రకారం ఈ సినిమా ఓటీటీ లెంగ్త్‌ 3 గంటలపైమాటే అట. కాగా థియేటర్‌లో ఈ సినిమా 2గంటల 45 నిమిషాల నిడివితో రిలీజైంది.