Janhvi Kapoor | ‘పెద్ది’పై కొత్త వివాదం..నెగెటివ్ రివ్యూని జాన్వీ కపూర్ లైక్ కొట్ట‌డ‌మేంట‌ని సోషల్ మీడియాలో చర్చలు!

Janhvi Kapoor | మెగా పవర్ స్టార్ రామ్ చ‌ర‌ణ్‌ హీరోగా, దర్శకుడు బుచ్చిబాబు స‌న‌ తెరకెక్కించిన ‘పెద్ది’ సినిమా బాక్సాఫీస్ వద్ద విజయవంతంగా దూసుకుపోతున్నప్పటికీ, ఇప్పుడు ఈ చిత్రానికి సంబంధించిన మరో అంశం సోషల్ మీడియాలో పెద్ద చర్చకు దారితీసింది. ముఖ్యంగా హీరోయిన్ జాన్వీ క‌పూర్ పాత్రపై వస్తున్న విమర్శలు, వాటికి సంబంధించిన ఒక సోషల్ మీడియా పోస్ట్ ఇప్పుడు హాట్ టాపిక్‌గా మారింది.

Janhvi Kapoor | మెగా పవర్ స్టార్ రామ్ చ‌ర‌ణ్‌ హీరోగా, దర్శకుడు బుచ్చిబాబు స‌న‌ తెరకెక్కించిన ‘పెద్ది’ సినిమా బాక్సాఫీస్ వద్ద విజయవంతంగా దూసుకుపోతున్నప్పటికీ, ఇప్పుడు ఈ చిత్రానికి సంబంధించిన మరో అంశం సోషల్ మీడియాలో పెద్ద చర్చకు దారితీసింది. ముఖ్యంగా హీరోయిన్ జాన్వీ క‌పూర్ పాత్రపై వస్తున్న విమర్శలు, వాటికి సంబంధించిన ఒక సోషల్ మీడియా పోస్ట్ ఇప్పుడు హాట్ టాపిక్‌గా మారింది. సోషల్ మీడియాలో ‘పెద్ది’ సినిమాలో జాన్వీ కపూర్ పోషించిన అచ్చియమ్మ పాత్రకు తగిన ప్రాధాన్యం ఇవ్వలేదనే విమర్శలు వ్యక్తమవుతున్నాయి. ఈ నేపథ్యంలో ఇన్‌స్టాగ్రామ్‌లోని ఓ సినీ విశ్లేషణ పేజీ చేసిన పోస్టు వైరల్‌గా మారింది. ఆ పోస్టులో సినిమాలో హీరో పాత్రను బలంగా తీర్చిదిద్దగా, హీరోయిన్ పాత్రను మాత్రం పరిమిత స్థాయిలో చూపించారని విమర్శించారు. అలాగే కథలో ఆమె పాత్రకు మరింత బలం ఉండాల్సిందని అభిప్రాయపడ్డారు.

ఈ పోస్టుకు జాన్వీ కపూర్ లైక్ చేయడం సోషల్ మీడియాలో పెద్ద చర్చకు దారితీసింది. ఆమె నేరుగా ఎలాంటి కామెంట్ చేయకపోయినా, ఆ పోస్టును లైక్ చేయడం ద్వారా ఆ విమర్శలతో ఏకీభవించినట్లుగా కొందరు నెటిజన్లు భావిస్తున్నారు. మరోవైపు, కేవలం ఒక పోస్టుకు లైక్ చేయడాన్ని బట్టి ఆమె అభిప్రాయాన్ని పూర్తిగా నిర్ధారించడం సరైంది కాదని మరికొందరు అభిప్రాయపడుతున్నారు. జాన్వీ చేసిన ఈ ప‌ని వెనుక అసలు ఉద్దేశం ఏమిటి? తన పాత్రపై ఆమెకు నిజంగానే అసంతృప్తి ఉందా? లేక సాధారణంగా పోస్టును లైక్ చేసిందా? అనే ప్రశ్నలు సోషల్ మీడియాలో చర్చనీయాంశంగా మారాయి. అయితే ఈ విషయంపై జాన్వీ కపూర్ లేదా చిత్రబృందం నుంచి ఇప్పటివరకు ఎలాంటి అధికారిక స్పందన రాలేదు.

ఇక సినిమాలో హీరో–హీరోయిన్ మధ్య ఉన్న ప్రేమకథకు సంబంధించిన కొన్ని సన్నివేశాలపై కూడా సోషల్ మీడియాలో భిన్నాభిప్రాయాలు వ్యక్తమవుతున్నాయి. కొందరు ప్రేక్షకులు కొన్ని సన్నివేశాలను ప్రశ్నిస్తుండగా, మరికొందరు వాటిని కథలో భాగంగా చూడాలని అభిప్రాయపడుతున్నారు. ఈ అంశంపై కూడా సోషల్ మీడియా వేదికగా చర్చలు కొనసాగుతున్నాయి. ‘పెద్ది’ సినిమా విడుదల తర్వాత బాక్సాఫీస్ వద్ద మంచి వసూళ్లు నమోదు చేస్తుండగా, ఇప్పుడు పాత్రల రూపకల్పన, ముఖ్యంగా మహిళా పాత్రల ప్రాధాన్యం గురించి కొత్త చర్చకు తెరలేచింది. ఆధునిక సినిమాల్లో మహిళా పాత్రలను ఎలా చూపించాలి? వారికి కథలో ఎంత ప్రాధాన్యం ఉండాలి? అనే అంశాలపై సినీ అభిమానులు, విశ్లేషకులు తమ అభిప్రాయాలను పంచుకుంటున్నారు.