Jana Nayagan | విడుదలకు ముందే ‘జననాయగన్’ లీక్.. ఆరుగురు అరెస్ట్, చిత్ర బృందం హెచ్చరిక
Jana Nayagan | కోలీవుడ్ స్టార్ విజయ్ నటించిన చివరి చిత్రం జననాయగన్ విడుదలకు ముందే పైరసీ బారిన పడటం సినీ పరిశ్రమను కలవరపెడుతోంది. సినిమా కీలక సన్నివేశాలు ఆన్లైన్లో లీక్ కావడంతో చిత్ర యూనిట్ అప్రమత్తమైంది.ఈ ఘటనపై వెంటనే స్పందించిన నిర్మాతలు సైబర్ క్రైమ్ పోలీసులకు ఫిర్యాదు చేయగా, అధికారులు దర్యాప్తు ప్రారంభించారు. సాంకేతిక ఆధారాలతో ఇప్పటికే ఆరుగురు నిందితులను అరెస్ట్ చేసినట్లు సమాచారం.
Jana Nayagan | కోలీవుడ్ స్టార్ విజయ్ నటించిన చివరి చిత్రం జననాయగన్ విడుదలకు ముందే పైరసీ బారిన పడటం సినీ పరిశ్రమను కలవరపెడుతోంది. సినిమా కీలక సన్నివేశాలు ఆన్లైన్లో లీక్ కావడంతో చిత్ర యూనిట్ అప్రమత్తమైంది.ఈ ఘటనపై వెంటనే స్పందించిన నిర్మాతలు సైబర్ క్రైమ్ పోలీసులకు ఫిర్యాదు చేయగా, అధికారులు దర్యాప్తు ప్రారంభించారు. సాంకేతిక ఆధారాలతో ఇప్పటికే ఆరుగురు నిందితులను అరెస్ట్ చేసినట్లు సమాచారం. వారి వద్ద నుంచి కీలక డిజిటల్ పరికరాలను స్వాధీనం చేసుకుని, మరింత విచారణ కొనసాగిస్తున్నారు.ఈ నేపథ్యంలో చిత్రబృందం తరఫు న్యాయవాదులు తీవ్ర హెచ్చరికలు జారీ చేశారు. కేవలం సినిమా లీక్ చేసిన వారే కాకుండా, ఆ కంటెంట్ను డౌన్లోడ్ చేయడం, షేర్ చేయడం, ఫార్వర్డ్ చేయడం వంటి చర్యలు చేసిన వారిపై కూడా కఠిన చర్యలు తీసుకుంటామని స్పష్టం చేశారు.
పైరసీని ప్రోత్సహించే ప్రతి ఒక్కరినీ గుర్తించి చట్టపరమైన చర్యలు తీసుకుంటామని హెచ్చరించారు. ‘జననాయగన్’ సినిమా పై ఇప్పటికే భారీ అంచనాలు ఉన్నాయి. రాజకీయాల్లోకి అడుగుపెట్టే ముందు విజయ్ నటిస్తున్న చివరి చిత్రం కావడంతో దేశవ్యాప్తంగా అభిమానులు ఆసక్తిగా ఎదురుచూస్తున్నారు. ఈ తరుణంలో సినిమా లీక్ కావడం అభిమానుల్లో ఆందోళన కలిగిస్తోంది. ఇదిలా ఉండగా, సెన్సార్ సర్టిఫికేషన్ ప్రక్రియలో ఆలస్యం కారణంగా విడుదల తేదీపై ఇప్పటికే అనిశ్చితి నెలకొంది. అలాంటి సమయంలో ఈ పైరసీ ఘటన జరగడం చిత్రబృందానికి మరింత ఇబ్బందిగా మారింది.
పైరసీ ఘటనపై సినీ పరిశ్రమలోని ప్రముఖులు కూడా స్పందించారు. చిరంజీవి, కమల్ హాసన్, రజనీకాంత్ వంటి దిగ్గజాలు పైరసీని తీవ్రంగా ఖండించారు. కష్టపడి రూపొందించిన సినిమాలను లీక్ చేయడం క్షమించరాని నేరమని, ఇది మొత్తం పరిశ్రమకు ముప్పుగా మారుతుందని పేర్కొన్నారు. ఇక విజయ్ అభిమాన సంఘాలు కూడా అప్రమత్తమయ్యాయి. ఎక్కడైనా లీక్ అయిన వీడియోలు కనిపిస్తే వెంటనే అధికారులకు సమాచారం ఇవ్వాలని, పైరసీని అరికట్టడంలో అందరూ సహకరించాలని పిలుపునిస్తున్నాయి.
Read Today's Latest Cinema News in Telugu and Telugu News
RELATED ARTICLES
తాజా వార్తలు
Donald Trump: ట్రంప్ను హత్తుకున్న జిన్పింగ్.. చైనాకు ఎన్విడియా చిప్స్ బంద్
Dogra Front | లష్కరే ఉగ్రవాది ఎన్కౌంటర్.. జమ్ముకశ్మీర్లో డోగ్రా ఫ్రంట్ సంబురాలు.. Video
Robert Pattinson | రాబర్ట్ స్టార్ హీరో కనుకే తొలుత వ్యతిరేకించాం.. జేమ్స్ బాండ్ ఎంపికపై జెఫ్ బెజోస్ ఆసక్తికర వ్యాఖ్యలు!
Jobs | నైవేలి లిగ్నైట్ కార్పొరేషన్ ఇండియా లిమిటెడ్లో 145 ఎగ్జిక్యూటివ్ ఇంజినీర్ పోస్టులు
SIddipeta | సిద్దిపేటలో బీఆర్ఎస్ ఫ్లెక్సీలు చింపేసి కాంగ్రెస్ ఫ్లెక్సీలను వదిలేస్తున్న సిబ్బంది.. వీడియో
ట్రెండింగ్ వార్తలు
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి

