సందేశాన్నిచ్చే ‘ఐపీఎల్‌’

విశ్వ కార్తికేయ, శరణ్‌, అవంతిక, అర్చన గౌతమ్‌ ప్రధాన పాత్రల్లో నటిస్తున్న సినిమా ‘ఐపీఎల్‌'. బీరం వరలక్ష్మి సమర్పణలో అంకిత మీడియా హౌస్‌ పతాకంపై బీరం శ్రీనివాస్‌ నిర్మిస్తున్నారు.

విశ్వ కార్తికేయ, శరణ్‌, అవంతిక, అర్చన గౌతమ్‌ ప్రధాన పాత్రల్లో నటిస్తున్న సినిమా ‘ఐపీఎల్‌’. బీరం వరలక్ష్మి సమర్పణలో అంకిత మీడియా హౌస్‌ పతాకంపై బీరం శ్రీనివాస్‌ నిర్మిస్తున్నారు. సురేష్‌ లంకలపల్లి దర్శకుడు. ఈ సినిమా టీజర్‌ విడుదల కార్యక్రమం తాజాగా హైదరాబాద్‌లో జరిగింది. ఈ సందర్భంగా దర్శకుడు సురేష్‌ లంకలపల్లి మాట్లాడుతూ..‘దేశం మీద ఉన్న ప్రేమతో ఈ సినిమా రూపొందించాం. ఆ ప్రేమ ఎంత బలమైనదో చూపిస్తున్నాం. మంచి సందేశంతో పాటు సినిమాలో ప్రేక్షకులకు నచ్చే అంశాలుంటాయి. లాక్‌డౌన్‌లో ఎన్నో ఇబ్బందులు వచ్చినా..నిర్మాత సహకారంతో సినిమా పూర్తిచేశాం. ప్రస్తుతం నిర్మాణానంతర కార్యక్రమాలు జరుగుతున్నాయి. త్వరలో విడుదల తేదీని ప్రకటిస్తాం’ అన్నారు. ఈ కార్యక్రమంలో నటుడు సుమన్‌, దర్శకుడు సముద్ర, ఇతర చిత్రబృందం పాల్గొన్నారు. తనికెళ్ల భరణి, పోసాని కృష్ణ మురళి, పృథ్వీ తదితరులు ఇతర పాత్రల్లో నటిస్తున్న ఈ చిత్రానికి సంగీతం : వెంగి, సినిమాటోగ్రఫీ : ఏకే ఆనంద్‌.