Drishyam 2 | దృశ్యం 2 విడుద‌ల‌పై ఆస‌క్తిక‌ర అప్ డేట్‌..నిజ‌మేనా?

టాలీవుడ్ (Tollywood) యాక్ట‌ర్ వెంకటేశ్ ( Venkatesh) న‌టించిన చిత్రం దృశ్యం 2 (Drishyam 2). ఈ సినిమాకు సంబంధించి ఇంట్రెస్టింగ్ న్యూస్ ఒక‌టి ఫిలింన‌గ‌ర్ లో చ‌క్క‌ర్లు కొడుతోంది.

టాలీవుడ్ (Tollywood) యాక్ట‌ర్ వెంకటేశ్ ( Venkatesh) న‌టించిన చిత్రం దృశ్యం 2 (Drishyam 2). జీతూ జోసెఫ్ ( Jeethu Joseph) ద‌ర్శ‌క‌త్వం వ‌హించిన ఈ చిత్రం త్వ‌ర‌లో విడుద‌ల‌యేందుకు రెడీ అవుతుండ‌గా..డిజిట‌ల్ ప్లాట్ ఫాంలో విడుద‌ల‌వుతుందా..? లేదా థియేట‌ర్ లో రానుందా..? అనే విష‌యంపై స్ప‌ష్ట‌త రావాల్సి ఉంది. అయితే ఈ సినిమాకు సంబంధించి ఇంట్రెస్టింగ్ న్యూస్ ఒక‌టి ఫిలింన‌గ‌ర్ లో చ‌క్క‌ర్లు కొడుతోంది. దృశ్యం 2ను ద‌స‌రా కానుక‌గా ప్రేక్ష‌కుల ముందుకు తీసుకురావాల‌ని మేక‌ర్స్ ప్లాన్ చేస్తున్న‌ట్టు టాక్ వినిపిస్తోంది.

అంతేకాదు ప్ర‌మోష‌న్స్ పై ప్రణాళిక సిద్దం చేసిన‌ట్టు గుస‌గుస‌లు వినిపిస్తున్నాయి. ఇప్ప‌టికే అజ‌య్ భూప‌తి డైరెక్ట్ చేస్తున్న మ‌హా స‌ముద్రం ద‌స‌రా బ‌రిలో ఉంది. అక్టోబ‌ర్ 14న విడుద‌ల కానుంది. మ‌రోవైపు బొమ్మ‌రిల్లు భాస్క‌ర్ ద‌ర్శ‌క‌త్వంలో అక్కినేని అఖిల్‌, పూజా హెగ్డే కాంబోలో వ‌స్తున్న మోస్ట్ ఎలిజిబుల్ బ్యాచ్ ల‌ర్ కూడా అక్టోబ‌ర్ 8న విడుద‌ల కానుంది. దృశ్యం 2 చిత్రం ఈ రెండు సినిమాల మ‌ధ్య‌లో విడుద‌ల చేసేందుకు స‌న్నాహాలు చేస్తున్నార‌ని వార్త‌లు వ‌స్తున్నాయి.

అయితే దీనిపై వెంకీ అండ్ టీం నుంచి అధికారిక ప్ర‌క‌ట‌న వ‌స్తే క్లారిటీ వ‌చ్చే అవ‌కాశం ఉంది. మ‌లయాళంలో సూప‌ర్ హిట్ గా నిలిచిన దృశ్యం చిత్రానికి సీక్వెల్ గా వ‌స్తుంది దృశ్యం 2. మీనా, కృతిక‌, ఎస్తేర్ అనిల్‌, న‌దియా, సంప‌త్ రాజ్, న‌రేశ్ కీల‌క పాత్ర‌ల్లో న‌టిస్తున్నారు. సురేశ్ ప్రొడ‌క్ష‌న్స్, ఆశీర్వాద్ సినిమాస్‌, రాజ్ కుమార్ థియేట‌ర్స్ సంయుక్తంగా ఈ చిత్రాన్ని తెర‌కెక్కిస్తున్నాయి.

ఇవి కూడా చ‌ద‌వండి..

Sunny Leone | బీచ్ లో బీరు పొంగించిన స‌న్నీలియోన్..వీడియో వైర‌ల్

Tollywood Drug case | ఎవరు ఏ తేదీన ఈడీ ముందు హాజరు కానున్నారు..?

నాలుగో తరగతిలోనే ప్రేమ‌.. త‌న ఫ‌స్ట్ క్రష్‌ గురించి రివీల్ చేసిన మేఘా ఆకాశ్‌

Shruti Haasan| 17 ఏళ్ల ప్రాయంలోనే శృతిహాస‌న్ మోడ‌లింగ్‌.. ఫొటోలు వైర‌ల్