Bigg Boss 5 | బిగ్‌బాస్ ఈసారి ఆరు నెల‌లు కొన‌సాగుతుందా?

బిగ్ బాస్ గురించి రోజుకొక వార్త సోషల్ మీడియాలో వైరల్ అవుతుంది. దీని గురించి అధికారికంగా ఇప్పటి వరకు ఎలాంటి ప్రకటన లేదు. త్వరలో మొదలు కాబోతున్న ప్రోమో మాత్రం ప్రసారమవుతుంది

August 7, 2021 / 10:22 PM IST

Bigg Boss 5 | బిగ్‌బాస్ ఈసారి ఆరు నెల‌లు కొన‌సాగుతుందా?

Bigg Boss Telugu Season 5 |బిగ్ బాస్ గురించి రోజుకొక వార్త సోషల్ మీడియాలో వైరల్ అవుతుంది. దీని గురించి అధికారికంగా ఇప్పటి వరకు ఎలాంటి ప్రకటన లేదు. త్వరలో మొదలు కాబోతున్న ప్రోమో మాత్రం ప్రసారమవుతుంది. అయితే ఐదవ సీజన్‌ను మునుపటి సీజన్ కంటే మరింత గ్రాండ్‌గా ఉండేలా ప్లాన్ చేస్తున్నారు నిర్వాహకులు. దీని కోసం స్టార్ మా ఎన్ని కోట్లు ఖర్చు పెట్టడానికైనా సిద్ధంగానే ఉంది. కంటెస్టెంట్స్ విషయంలో కూడా ఈసారి చాలా జాగ్రత్తలు తీసుకుంటున్నారు. షణ్ముఖ్ జస్వంత్, యాంకర్ రవి, హీరోయిన్ ఇషా చావ్లా లాంటి క్రేజీ స్టార్స్ బిగ్ బాస్ హౌస్‌లోకి వస్తున్నట్లు తెలుస్తుంది. ఇదిలా ఉంటే తాజాగా ఈ సీజన్ గురించి మరో మెంటల్ ఎక్కిపోయే న్యూస్ సోషల్ మీడియాలో వైరల్ అవుతుంది.

ఇప్పటి వరకు తెలుగులో బిగ్‌బాస్‌ 4 సీజన్స్ ముగిశాయి. అందులో మొదటి సీజన్ 70 రోజులకు పైగా జరిగింది. మిగిలిన మూడు సీజన్స్ 104 రోజులకు ముగించారు. అయితే ఐదో సీజన్ విషయాల్లో మాత్రం నిర్వాహకులు సంచలన నిర్ణయం తీసుకున్నట్లు తెలుస్తోంది. ఎవరూ కనీసం ఊహించని స్థాయిలో ఏకంగా మరో రెండు నెలలు బిగ్‌బాస్ పొడిగించాలని ఆలోచన చేస్తున్నట్లు ప్రచారం జరుగుతోంది. దీనికి కారణం హిందీ బిగ్ బాస్. అక్కడ ఇప్పటికే 14 సీజన్స్ ముగించుకొని.. 15వ సీజన్‌లోకి అడుగుపెట్టింది బిగ్‌బాస్. ఈ సారి ఏకంగా ఆరు నెలల పాటు ఈ సీజన్ కొనసాగనుంది. తెలుగులో కూడా ఇదే కంటిన్యూ చేస్తే బాగుంటుందని నిర్వాహకులు ఆలోచిస్తున్నట్లు తెలుస్తోంది. ఒకవేళ ఇదే నిజమైతే ఏకంగా 180 రోజుల పాటు ఒక ఇంట్లో ఉండటం అనేది చిన్న విషయం కాదు. అది చెప్పినంత ఈజీ కూడా కాదు. కాస్త కష్టమైనా కూడా బిగ్ బాస్ 5 తెలుగు ఎక్కువ రోజులు ఉండేలా ప్లాన్ చేస్తున్నారు. అది 180 రోజులు ఉంటుందా లేదంటే 140 రోజులు ఉంటుందా.. అంతకంటే తక్కువ ఉంటుందా అనేది నిర్వాహకులు తేల్చనున్నారు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి