చిరంజీవి (Chiranjeevi)ని స్పూర్తిగా తీసుకుని సినిమాల్లోకి వచ్చిన యాక్టర్లలో ఒకడు సత్యదేవ్ (Satya Dev). మొదట క్యారెక్టర్ రోల్స్ చేస్తూ..ఆ తర్వాత సోలో హీరోగా స్పెషల్ ఇమేజ్ సంపాదించుకున్నాడు. కొత్తదనంతో కూడిన సినిమాలు చేస్తూ భారీగా ఫాలోవర్లను ఖాతాలో వేసుకున్నాడు. ప్రస్తుతం ఈ యువ హీరో మెగాస్టార్ చిరంజీవి టైటిల్ రోల్ చేస్తున్న ఆచార్య చిత్రంలో కీలక పాత్రలో నటిస్తున్నాడు.
తాను ఎంతగానో అభిమానించే ఫేవరేట్ యాక్టర్ చిరంజీవితో కలిసి నటించే అవకాశం వచ్చిన క్షణాలను గుర్తు చేసుకుంటూ..తన సంతోషాన్ని సోషల్మీడియా ఖాతాల్లో షేర్ చేసుకున్నాడు సత్యదేవ్. ‘అన్నయ్యా..యాక్టింగ్ విషయంలో.. జీవితంలో మాలాంటి ఎందరికో ఆచార్య మీరు. ఓ అభిమానిగా గుండెల్లో చిరకాలం తలిచేది మీ పేరునే. మిమ్మల్ని చూసే నటుడిగా మారాను. ఈ రోజు ఆచార్య సినిమాలో కాసేపైనా మీతోపాటూ కనిపించే అదృష్టం కలిగింది. మీ కష్టం, క్రమశిక్షణ దగ్గర నుంచి చూసి నేర్చుకునే అవకాశం దక్కింది..’ అని ట్వీట్ చేశాడు సత్యదేవ్.
దీనికి చిరంజీవి స్పందిస్తూ.. ‘ఉత్తమ నటుడైన నా అభిమాని సత్యదేవ్ను చూసి చాలా గర్వంగా ఉంది. ఆచార్య (Acharya)లో కూడా సత్యదేవ్ చిన్న పాత్రలో నటించాడని ‘ ట్వీట్ చేశాడు చిరంజీవి. గాడ్ ఫాదర్ చిత్రంలో చిరంజీవికి గట్టి పోటీనిచ్చే పవర్ ఫుల్ పాత్రలో నటిస్తున్నాడు సత్యదేవ్. చిన్ననాటి నుంచి తాను ఎంతగానో ఆరాధించే మెగాస్టార్ చిరంజీవితో పనిచేయడాన్ని ఫుల్ ఎంజాయ్ చేస్తున్నాడు సత్యదేవ్.
ప్రస్తుతం సత్యదేవ్ ఖాతాలో గాడ్సే, గుర్తుందా సీతాకాలం చిత్రాలున్నాయి. దీంతోపాటు బాలీవుడ్ స్టార్ హీరో అక్షయ్కుమార్ నటిస్తోన్న రామ్సేతులో కీలక పాత్రలో కనిపించబోతున్నాడు. పలు సినిమాలు చర్చల దశలో ఉన్నాయి.
డియర్ @ActorSatyaDev ..Thank you.
నీలాంటి చక్కని నటుడు నా అభిమాని కావడం చాలా సంతోషం.. #Acharya లో తక్కువ నిడివి పాత్రలో అయినా నువ్వు కనిపించడం నాకు ఆనందం..#Godfather సినిమాలో నా అభిమాని నాకు ఎదురు నిలబడే పూర్తి స్థాయి పాత్రలో నటించడం నాకు గర్వకారణం..So proud of you.
God bless! https://t.co/L0R7yw1Tti pic.twitter.com/P4zqp78SbE— Acharya (@KChiruTweets) April 28, 2022
Read Also : Major Release date | మేజర్ కొత్త విడుదల తేదీ ఫైనల్..షేర్ చేసిన మహేశ్ బాబు
Read Also : Nandamuri Balakrishna | ఆస్పత్రిలో బాలకృష్ణ..పుకార్లపై పీఆర్ టీం క్లారిటీ
Read Also : Kiara Advani post | బ్రేకప్ వార్తల మధ్య టాక్ ఆఫ్ ది టౌన్గా కియారా తాజా పోస్ట్