Chiranjeevi | ప్రేక్షకుల రుణం ఈ జన్మలో తీర్చుకోలేను..చిరంజీవి ట్వీట్‌ వైరల్‌

చిరంజీవికి, ఆయన అభిమానులకు సెప్టెంబర్‌ 22 ప్రత్యేకమైన రోజు .స్పెషల్‌ ఏంటంటే చిరంజీవి ఇండస్ట్రీలోకి వచ్చి 44 వసంతాలు (44 years)పూర్తి చేసుకున్నాడు.

September 23, 2022 / 07:47 AM IST

Chiranjeevi | ప్రేక్షకుల రుణం ఈ జన్మలో తీర్చుకోలేను..చిరంజీవి ట్వీట్‌ వైరల్‌

చిరంజీవి (Chiranjeevi) త్వరలోనే గాడ్‌ ఫాదర్‌ (God Father)తో అభిమానులకు వినోదాన్ని అందించేందుకు రెడీ అవుతున్నాడు. పొలిటికల్‌ డ్రామా నేపథ్యంలో వస్తున్న ఈ చిత్రానికిమోహన్‌ రాజా దర్శకత్వం వహిస్తున్నాడు. దసరా కానుకగా అక్టోబర్‌ 5న విడుదల కానుంది. ఇప్పటికే థార్‌ మార్‌ థక్కర్‌ మార్‌ సాంగ్‌ను విడుదల చేసి మూవీ లవర్స్‌ను ఫుల్‌ ఖుషీ చేస్తున్నాడు చిరు. కాగా చిరంజీవికి, ఆయన అభిమానులకు ప్రత్యేకమైన రోజు సెప్టెంబర్‌ 22.

స్పెషల్‌ ఏంటంటే చిరంజీవి ఇండస్ట్రీలోకి వచ్చి 44 వసంతాలు (44 years)పూర్తి చేసుకున్నాడు. చిరు తొలిసినిమా ప్రాణం ఖరీదు 44 ఏళ్ల క్రితం సరిగ్గా ఇదే రోజు విడుదలైంది. ఈ సందర్భాన్ని గుర్తు చేసుకుంటూ..భావోద్వేగపూరిత సందేశాన్ని అభిమానులతో పంచుకున్నాడు చిరు. తెలుగు సినీ పరిశ్రమ (Telugu Cinema Industry)కు పరిచయమై 44 ఏండ్లు అవుతోంది.

‘మీకు తెలిసిన ఈ చిరంజీవి..చిరంజీవిగా పుట్టినరోజు . 1978 సెస్టెంబర్‌ 22న ‘ప్రాణం ఖరీదు ‘ ద్వారా ప్రాణం పోసి, ప్రాణప్రదంగా నా ఊపిరై, నా గుండె చప్పుడై, అన్నీ మీరే అయి 44 సంవత్సరాలు నన్ను నడిపించారు. నన్నింతగా ఆదరించిన, ఆదరిస్తున్న ప్రేక్షకాభిమానుల రుణం ఈ జన్మలో తీర్చుకోలేను.. ‘అని ట్వీట్‌ చేశాడు.

చిరంజీవి గాడ్‌ఫాదర్‌తోపాటు బాబీ డైరెక్షన్‌లో వాల్తేరు వీరయ్య, మోహర్‌ రమేశ్‌ దర్శకత్వంలో భోళా శంకర్‌ సినిమాలు చేస్తున్నాడు.

Chiranjeevi the Actor as you all know was born today, 22 September 1978, 44 years ago! I owe this limitless love and affection I receive from you all, to this day!

I owe everything to this day!

Humbled and Grateful! 🙏🙏🙏#PranamKhareedu #22Sept1978 #DebutMovieRelease pic.twitter.com/LoFcpEo9Zo

— Chiranjeevi Konidela (@KChiruTweets) September 22, 2022