Hrithik Roshan | హృతిక్ మాములోడు కాదు.. ఒక‌వైపు ప్రియురాలు, మ‌రోవైపు మాజీ భార్య‌తో బ‌ర్త్ డే సెల‌బ్రేషన్స్

Hrithik Roshan | బాలీవుడ్ ‘గ్రీక్ గాడ్’ హృతిక్ రోషన్ జనవరి 10, 2026న తన 52వ పుట్టినరోజును ఎంతో ఆత్మీయంగా జరుపుకున్నారు. భారీ పార్టీలకు దూరంగా, తనకు అత్యంత సన్నిహితులైన కుటుంబ సభ్యులు, స్నేహితుల మధ్య ఈ ప్రత్యేక రోజును గడిపారు. ఈ సందర్భంగా తన పుట్టినరోజు వేడుకల నుంచి కొన్ని క్షణాలను ఇన్‌స్టాగ్రామ్ వేదికగా అభిమానులతో పంచుకున్నారు.

Hrithik Roshan | బాలీవుడ్ ‘గ్రీక్ గాడ్’ హృతిక్ రోషన్ జనవరి 10, 2026న తన 52వ పుట్టినరోజును ఎంతో ఆత్మీయంగా జరుపుకున్నారు. భారీ పార్టీలకు దూరంగా, తనకు అత్యంత సన్నిహితులైన కుటుంబ సభ్యులు, స్నేహితుల మధ్య ఈ ప్రత్యేక రోజును గడిపారు. ఈ సందర్భంగా తన పుట్టినరోజు వేడుకల నుంచి కొన్ని క్షణాలను ఇన్‌స్టాగ్రామ్ వేదికగా అభిమానులతో పంచుకున్నారు. హృతిక్ షేర్ చేసిన ఫోటోలలో ఆయన ప్రియురాలు సబా ఆజాద్, మాజీ భార్య సుసాన్ ఖాన్, వారి కుమారులు హ్రేహాన్, హ్రిదాన్‌తో పాటు సన్నిహితులు కనిపించారు. విడాకుల అనంతరం కూడా కుటుంబంగా కలిసి ఉండడం, పిల్లల కోసం పరస్పర గౌరవంతో ముందుకు సాగడం హృతిక్–సుసాన్‌ల‌ అనుబంధానికి మరోసారి నిదర్శనంగా నిలిచింది.

ఈ ఫోటోలతో పాటు హృతిక్ చేసిన భావోద్వేగ పోస్టు అభిమానులను ఆకట్టుకుంది.“ప్రపంచానికి, నా కుటుంబానికి ధన్యవాదాలు. నాకు మెసేజ్ చేసిన, కాల్ చేసిన, పోస్ట్ చేసిన ప్రతి ఒక్కరికీ హృదయపూర్వక కృతజ్ఞతలు. బతికి ఉండటం ఒక గౌరవం” అంటూ జీవితం, ప్రేమ, అనుబంధాలపై తన కృతజ్ఞతను వ్యక్తం చేశారు. ఈ పుట్టినరోజు వేడుక ఒక ప్రైవేట్ యాచ్‌లో, చాలా ప్రశాంతంగా జరిగినట్లు తెలుస్తోంది. పెద్ద సంబరాల కంటే, ఇలాంటి వ్యక్తిగత వేడుకలకే హృతిక్ ఎక్కువ ప్రాధాన్యం ఇస్తారని ఈ ఫోటోలు స్పష్టంగా చెబుతున్నాయి. సబా ఆజాద్‌తో ఆయన బంధం కూడా ఈ వేడుకలో ప్రత్యేక ఆకర్షణగా నిలిచింది.

ఇదిలా ఉండగా, హృతిక్ కుటుంబ సభ్యులు కూడా సోషల్ మీడియాలో ప్రత్యేక శుభాకాంక్షలు తెలిపారు. తండ్రి రాకేష్ రోషన్, సోదరి సునైనా రోషన్, సబా ఆజాద్ అంద‌రు భావోద్వేగ పోస్టులతో తమ ప్రేమను పంచుకున్నారు. చిన్ననాటి ఫోటోలు, జ్ఞాపకాలను షేర్ చేస్తూ హృతిక్‌పై తమ అభిమానాన్ని వ్యక్తం చేశారు. కుటుంబ సభ్యులే కాకుండా, అభిమానులు కూడా సోషల్ మీడియాలో హృతిక్‌కు పుట్టినరోజు శుభాకాంక్షల వర్షం కురిపించారు. ఆయన వినయం, కుటుంబ విలువలు, ఆధునిక కుటుంబ వ్యవస్థను గౌరవించే తీరును ప్రశంసించారు. మొత్తానికి, హృతిక్ రోషన్ 52వ పుట్టినరోజు ఒక సెలబ్రిటీ వేడుకగా మాత్రమే కాకుండా, ప్రేమ, పరస్పర గౌరవం, కుటుంబ ఐక్యతకు ప్రతీకగా నిలిచింది.