డ్రగ్స్ ఇష్యూ ఆర్యన్ ఖాన్ కెరీర్ పై ఎలాంటి ప్రభావం చూపించనుంది..?

October 21, 2021 / 03:20 PM IST

aryan khan | bollywood drug case — aryan khan

Aryan Khan Drug Case | మా నాన్న సూపర్ స్టార్.. వేలకోట్ల ఆస్తులున్నాయి.. ఏం చేసినా కాపాడడానికి మా పెద్ద వాళ్ళు ఉన్నారు అని అనుకోవడానికి లేదు. ఎందుకంటే ఇప్పుడు చట్టాలు మారిపోయాయి. చట్టం ఎవరి చుట్టం కాదు. తప్పు చేస్తే ఎంత పెద్ద వాళ్ళు అయినా జైలుకు వెళ్తున్నారు. ఇప్పుడు షారుక్ ఖాన్ ( Shah Rukh Khan ) కుమారుడు ఆర్యన్ ఖాన్ ( Aryan Khan ) విషయంలో ఇదే జరుగుతుంది. కొన్ని రోజుల కింద డ్రగ్స్ కేసు ( Drug case )లో అరెస్ట్ అయిన జైల్లో ఉన్నాడు. మూడు సార్లు బెయిల్ రిజెక్ట్ అయింది. తన పరపతి మొత్తం వాడినా కూడా కొడుకును బయటికి తీసుకు రావడంలో విఫలం అవుతున్నారు షారుక్ ఖాన్. పెద్దపెద్ద న్యాయవాదులు ఆర్యన్ ఖాన్ తరపున వాదిస్తున్న కూడా ఎన్ సి బి అధికారులు వదలడం లేదు.

ఇదిలా ఉంటే ఈ కేసు బాలీవుడ్ లో సంచలనం సృష్టిస్తోంది. ఇందులో ఇంకా ఎవరెవరు ఉన్నారు అనేది తెలియడానికి మరికొన్ని రోజులు పట్టేలా ఉంది. మరోవైపు ఈ డ్రగ్స్ కేసు ఆర్యన్ ఖాన్ కెరీర్ పై ఎలాంటి ప్రభావం చూపించబోతుంది అనేది అర్థం కావడం లేదు. త్వరలోనే తన వారసుడిని భారీ స్థాయిలో వెండితెరకు పరిచయం చేయడానికి సన్నాహాలు చేసుకుంటున్నాడు కింగ్ ఖాన్. కానీ ఇలాంటి సమయంలో అతను డ్రగ్స్ కేసులో అరెస్టయ్యాడు. ఎంత కాదనుకున్నా కూడా ఆర్యన్ కెరీర్ పై ఇది ప్రభావం చూపిస్తుంది అనడంలో ఎలాంటి సందేహం లేదు. అయితే అది ఎంత మేర ఉంటుందనేది ఇప్పుడే చెప్పడం కష్టం.

గతంలో కూడా కొందరు నటులు డ్రగ్స్ కేసులో అరెస్టయ్యారు. ఆ తర్వాత వాళ్ల కెరీర్ చెప్పుకోదగ్గ రీతిలో ముందుకు సాగలేదు. ఇప్పుడు ఆర్యన్ ఖాన్ ఇంకా కెరీర్ మొదలు పెట్టలేదు. అంతలోనే డ్రగ్స్ కేసు అతడి మెడకు చుట్టుకుంది. మరి దీని నుంచి ఆయన ఎప్పుడు బయట పడతాడు.. వచ్చిన తర్వాత సినిమాలు ఎప్పుడు వస్తాడు.. అవి ఎంత వరకు ప్రేక్షకులను అలరిస్తాయి అనేది చూడాలి.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి