విశాల్ ఎనిమి 2 డేస్ కలెక్షన్స్.. ఎంతొచ్చింది.. ఇంకా ఎంత రావాలి..?

November 6, 2021 / 09:51 PM IST

vishal Enemy movie collections | విశాల్‌కు తమిళంతో పాటు తెలుగులోనూ మంచి మార్కెట్ ఉంది. ఇక్కడ కూడా ఈయన సినిమాలకు మంచి వసూళ్లు వస్తుంటాయి. ఈ క్రమంలోనే తన ప్రతీ సినిమాను తెలుగులోనూ విడుదల చేస్తాడు విశాల్. ఇప్పుడు ఈయన నటించిన ఎనిమి ప్రేక్షకుల ముందుకొచ్చింది. దివాళీ సందర్భంగా విడుదలైన ఈ చిత్రానికి యావరేజ్ టాక్ వచ్చింది. ఆర్య ఇందులో విలన్‌గా నటించాడు. ఆనంద్ శంకర్ తెరకెక్కించిన ఈ చిత్రంపై ముందు నుంచి కూడా పెద్దగా అంచనాలు అయితే లేవు. దానికితోడు రజినీకాంత్ పెద్దన్న.. మారుతి మంచి రోజులు వచ్చాయి సినిమాలకు పోటీగా రావడంతో కలెక్షన్స్ ఎంతవరకు వస్తాయో అనుకున్నారంతా. కానీ ఆ రెండు సినిమాల కంటే మంచి వసూళ్లనే విశాల్ సినిమా దక్కించుకుంది. కాకపోతే బ్రేక్ ఈవెన్ కావడానికి మాత్రం అద్భుతాలు జరగాల్సిందే.

నైజాం: 0.50 కోట్లు
సీడెడ్: 0.25 కోట్లు
ఉత్తరాంధ్ర: 0.16 కోట్లు
గుంటూరు: 0.15 కోట్లు
ఈస్ట్: 0.12 కోట్లు
వెస్ట్: 0.09 కోట్లు
కృష్ణా: 0.08 కోట్లు
నెల్లూరు: 0.07 కోట్లు

ఏపీ + తెలంగాణ: 1.42 కోట్లు షేర్

ఎనిమి సినిమాను తెలుగు రాష్ట్రాల్లో 4 కోట్లకు అమ్మారు. మూడేళ్ల‌ కింద విశాల్ హీరోగా వ‌చ్చిన‌ అభిమన్యుడు సినిమా రూ.9 కోట్లు వసూలు చేసింది. అంటే విశాల్‌కు తెలుగులో మంచి మార్కెట్ ఉందన్నమాట. ఆ నమ్మకంతోనే ఎనిమి సినిమాను రూ.4 కోట్లకు కొన్నారు. అయితే ప్రస్తుతం ఉన్న పరిస్థితుల దృష్ట్యా ఈ సినిమా అన్ని కోట్లు వసూలు చేస్తుందా అనేది అనుమానమే. ఎనిమి సేఫ్ అవ్వాలంటే మరో 2.5 కోట్లకు పైగానే వసూలు చేయాలి.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి