Romantic movie collections | పూరీ జగన్నాథ్ తనయుడు ఆకాశ్ పూరీ హీరోగా అనిల్ పడూరి తెరకెక్కించిన సినిమా రొమాంటిక్. ఈ సినిమాకు పూరీ కథ, స్క్రీన్ ప్లే, మాటలు రాశాడు. దాంతో ఈ సినిమాపై అంచనాలు కూడా అలాగే ఉన్నాయి. అయితే ఇప్పుడు రొమాంటిక్ సినిమా విడుదలైన తర్వాత చూసి నీరసించిపోతున్నారు ఆడియన్స్. సినిమాలో ఉన్న రొమాన్స్ కారణంగా తొలిరోజు కలెక్షన్స్ వర్కవుట్ అయ్యాయి. ఏకంగా 1.60 కోట్లకు పైగానే షేర్ వసూలు చేసింది రొమాంటిక్ సినిమా. కేతిక శర్మ అందాలకు యువత ఫిదా అయిపోయారు. సినిమా ఎలా ఉంది అని అడగడం మానేసి.. కేతిక సంపేసిందిరా బాబూ.. ఏం గ్లామర్ రా నాయనా అది అంటూ ముక్కున వేలేసుకుంటున్నారు. అందుకే ఈ సినిమాకు తొలిరోజు కలెక్షన్స్ కూడా అదిరిపోయాయి. అయితే రెండో రోజు మాత్రం చాలా చోట్ల రొమాంటిక్ సినిమాకు కలెక్షన్స్ తగ్గిపోయాయి. సినిమాలో విషయం తక్కువ.. రొమాన్స్ ఎక్కువగా ఉండటంతో థియేటర్స్ వరకు వెళ్లడానికి ప్రేక్షకులు ఆలోచిస్తున్నారు. మరోవైపు ఈ సినిమాతో పాటే విడుదలైన వరుడు కావలెను సినిమాకు యావరేజ్ టాక్ రావడం.. అది ఫ్యామిలీ సినిమాలా కనిపించడంతో ఆడియన్స్ అటు వైపు వెళ్తున్నారు. ఈ సినిమా కూడా తొలిరోజే 1.50 కోట్లు షేర్ వసూలు చేసింది. రొమాంటిక్ ఫస్ట్ డే కలెక్షన్స్ చూసి పూరీ జగన్నాథ్ గాల్లో తేలిపోయాడు. ఎందుకంటే ఈ సినిమాకు నిర్మాత ఆయనే కాబట్టి. ఈ సినిమా తొలి రోజు ఏరియా వైజ్ కలెక్షన్స్ ( Romantic movie collections )..
నైజాం: 0.55 కోట్లు
సీడెడ్: 0.27 కోట్లు
ఉత్తరాంధ్ర: 0.19 కోట్లు
ఈస్ట్: 0.14 కోట్లు
వెస్ట్: 0.12 కోట్లు
గుంటూరు: 0.09 కోట్లు
కృష్ణా: 0.10 కోట్లు
నెల్లూరు: 0.07 కోట్లు
ఏపీ + తెలంగాణ: 1.53 కోట్లు షేర్
రెస్ట్ ఆఫ్ ఇండియా + ఓవర్సీస్: 0.08 కోట్లు
వరల్డ్ వైడ్ 6 డేస్ కలెక్షన్స్: 1.61 కోట్లు షేర్
రెండోరోజు కచ్చితంగా తొలిరోజు షేర్ మాత్రం వచ్చేలా కనిపించడం లేదు. చాలా చోట్ల కలెక్షన్ గ్రాఫ్ పడిపోయిందని ట్రేడ్ పండితులు చెప్తున్నారు. ముఖ్యంగా సిటీస్లో కాకుండా జిల్లాల్లో అయితే రొమాంటిక్ వసూళ్లు తక్కువగానే వస్తున్నాయి. మరి వీకెండ్ వరకు ఈ సినిమా ఎంత వసూలు చేస్తుందో చూడాలి.
లోకల్ టు గ్లోబల్ వార్తల కోసం.. నమస్తే తెలంగాణ ఫేస్బుక్, ట్విటర్ పేజీలను ఫాలో అవ్వండి
ఇడియట్’లాంటి సినిమా అంటున్నారు!
Charmy Kaur | యాక్టింగ్లోకి రీఎంట్రీపై ఛార్మీ ఏమన్నదంటే..?
మహా సముద్రం ఫైనల్ కలెక్షన్స్.. శర్వానంద్ కు భారీ డిజాస్టర్..
పునీత్ అంత్యక్రియల విషయంలో కుటుంబ సభ్యుల కీలక నిర్ణయం..