పునీత్ అంత్యక్రియల విషయంలో కుటుంబ సభ్యుల కీలక నిర్ణయం..

October 30, 2021 / 07:52 PM IST

Puneeth rajkumar | కన్నడ పవర్ స్టార్ పునీత్ రాజ్ కుమార్ మరణించి అప్పుడే 24 గంటలు గడిచిపోయింది. అమెరికాలో ఉన్న ఆయన కూతురు ధృతి బెంగళూరుకు వచ్చింది. ఉన్నత చదువుల కోసం ఆమె అమెరికా వెళ్లింది. బెంగళూరు ఎయిర్‌పోర్టులో దిగిన ఆమెను ఎలాంటి ట్రాఫిక్ లేకుండా కంఠీరవ స్టేడియానికి తీసుకొచ్చారు పోలీసులు. కేవలం ఆమె కోసమే పునీత్ రాజ్‌కుమార్ అంత్య‌క్రియ‌లు ఒక రోజు వాయిదా వేశారు. అక్టోబర్ 31 ఉదయం పునీత్ రాజ్ కుమార్ అంత్యక్రియలు ప్రభుత్వ లాంఛనాలతో జరగనున్నాయి. కర్ణాటక సినీ, రాజకీయ ప్రముఖులు అందరూ ఈ అంత్యక్రియల్లో పాల్గొననున్నారు. అయితే ఇక్కడే కుటుంబ సభ్యులు కీలక నిర్ణయం తీసుకున్నారు.

పునీత్ రాజ్‌కుమార్‌కు కుమారులు లేరు. ఆయ‌న‌కు ఇద్ద‌రు కూతుళ్లు వందిత ధృతి. దీంతో పునీత్ త‌ల‌కొరివి పెట్టే బాధ్య‌త‌ను ఆయ‌న అన్న కొడుకు విన‌య్ రాజ్‌కుమార్ ( vinay rajkumar ) తీసుకున్నాడు. ఈ విష‌యాన్ని ఇప్ప‌టికే పునీత్ కుటుంబ‌స‌భ్యులు అధికారికంగా ప్ర‌క‌టించారు. క‌న్న‌డ కంఠీర‌వ రాజ్‌కుమార్ కు శివన్న‌, పునీత్ కాకుండా మ‌రో కుమారుడు కూడా ఉన్నాడు. ఆయ‌న పేరు రాఘ‌వేంద్ర రాజ్‌కుమార్‌ ( raghavendra rajkumar ). ఈయ‌న పలు సినిమాల్లో కూడా న‌టించాడు. కానీ పెద్ద‌గా స‌క్సెస్ కాక‌పోవ‌డంతో ఎవ‌రికీ తెలియ‌దు. ఇప్పుడు ఈయ‌న కుమారుడు విన‌య్ చేతుల మీదుగానే పునీత్ రాజ్‌కుమార్ అంత్య‌క్రియ‌లు జ‌ర‌గ‌నున్నాయి. బాబాయ్ మ‌ర‌ణ వార్త తెలిసిన‌ప్ప‌టి నుంచి విన‌య్ క‌న్నీరుమున్నీరుగా విల‌పిస్తున్నాడు. కెరీర్‌ప‌రంగా త‌న‌కు చేదోడు వాదోడుగా ఉండే కొండంత బాబాయ్ ఇప్పుడు లేడ‌ని తెలిసి గుండెల‌విసేలా రోదిస్తున్నాడు విన‌య్ రాజ్‌కుమార్‌.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి