నా చిత్రాల్లో 90% విజయాలే!

అగ్ర నిర్మాత ఎ.ఎం.రత్నం అంటే భారీ చిత్రాలకు పెట్టింది పేరు. ఆయన ఖాతాలో కర్తవ్యం, భారతీయుడు, ఖుషి వంటి విశేషజనాదరణ పొందిన చిత్రాలున్నాయి. పవన్‌కల్యాణ్‌ కథానాయకుడిగా ఎ.ఎం.రత్నం తెరకెక్కించిన ‘హరిహరవీరమల్లు’ చిత్రం ఈ నెల 24న ప్రేక్షకుల ముందుకురానుంది. క్రిష్‌, జ్యోతికృష్ణ దర్శకులు. ఈ సందర్భంగా శనివారం నిర్మాత ఎ.ఎం.రత్నం పాత్రికేయులతో ముచ్చటిస్తూ పంచుకున్న విశేషాలు..

అగ్ర నిర్మాత ఎ.ఎం.రత్నం అంటే భారీ చిత్రాలకు పెట్టింది పేరు. ఆయన ఖాతాలో కర్తవ్యం, భారతీయుడు, ఖుషి వంటి విశేషజనాదరణ పొందిన చిత్రాలున్నాయి. పవన్‌కల్యాణ్‌ కథానాయకుడిగా ఎ.ఎం.రత్నం తెరకెక్కించిన ‘హరిహరవీరమల్లు’ చిత్రం ఈ నెల 24న ప్రేక్షకుల ముందుకురానుంది. క్రిష్‌, జ్యోతికృష్ణ దర్శకులు. ఈ సందర్భంగా శనివారం నిర్మాత ఎ.ఎం.రత్నం పాత్రికేయులతో ముచ్చటిస్తూ పంచుకున్న విశేషాలు..

• 17వ శతాబ్దం మొఘల్‌ సామ్రాజ్య నేపథ్యంలో నడిచే కల్పిత కథ ఇది. హరిహర అంటే విష్ణువుశివుడి కలయిక. అలాగే ఓ వీరుడికి సంకేతంలా వీరమల్లు పేరు పెట్టాం. నేను ‘భారతీయుడు’ సహా ఎన్నో భారీ చిత్రాలను తీశా. కానీ సుదీర్ఘకాలం పాటు ప్రయాణం చేసిన సినిమా ఇదే. దానికి ఎన్నో కారణాలున్నాయి. సెట్‌వర్క్‌, గ్రాఫిక్స్‌తో ముడిపడిన చారిత్రక కల్పిత కథ కాబట్టి ఆలస్యమైంది.
• సినిమా పూర్తికావడానికి చాలా సమయం పట్టింది కాబట్టి ఎలా ఉంటుందోనని కొందరు అనుమానం వ్యక్తం చేశారు. ట్రైలర్‌ అందరి అనుమానాలను నివృత్తి చేసింది. నా చిత్రాల్లో 90 శాతం విజయం సాధించాయి. అదే అనుభవంతో చెబుతున్నా..హరిహరవీరమల్లు భారీ విజయం ఖాయమనే విశ్వాసం ఉంది.
• ఖుషి, బంగారం తర్వాత పవన్‌కల్యాణ్‌తో చేసిన మూడో చిత్రమిది. మా ఇద్దరిది 25 ఏళ్ల అనుబంధం. పవన్‌కల్యాణ్‌ గొప్ప ఆశయాలున్న వ్యక్తి. సమాజ అభ్యున్నతి కోసం ఎప్పుడూ ఆలోచిస్తుంటారు. ‘ఖుషి’ టైమ్‌లో ఆయన ఆలోచన విధానం చూసి ఆశ్చర్యపోయా. అది ప్రేమకథా చిత్రమైనప్పటికి ఓ సన్నివేశంలో రామకృష్ణపరమహంస, స్వామి వివేకానంద, లాలా
  లజపతి రాయ్‌ వంటి గొప్ప వ్యక్తుల పేర్లను ఉటంకిస్తూ సందేశాన్ని అందించే ప్రయత్నం చేశారు. ఆయన సహకారంతోనే ఈ సినిమాను ఇంత గొప్పగా తీయగలిగాం.
• ఇప్పుడు పవన్‌కల్యాణ్‌ డిప్యూటీ సీఎంగా ఉన్నారు. అందుకే మరింత బాధ్యతగా సినిమాను రూపొందించాం. ఆయన గౌరవానికి తగినట్లుగా ఉంటుంది. సినిమాకు సామాజిక ప్రయోజం ఉండాలన్నది నా భావన. అందుకే నా సినిమాల్లో వినోదంతో పాటు సందేశం కూడా ఉంటుంది. మెసేజ్‌ లేకుండా నేను సినిమాలు తీయను. ఇందులో కూడా గొప్ప సందేశం ఉంటుంది.