Nidhhi Agerwal | మున్నామైఖేల్ సినిమాతో తొలిసారి సిల్వర్ స్క్రీన్పై మెరిసింది హైదరాబాదీ ముద్దుగుమ్మ నిధి అగర్వాల్ (Nidhhi Agerwal). సవ్యసాచి సినిమాతో తెలుగులో డెబ్యూ ఇచ్చింది. ఇస్మార్ట్ శంకర్ సినిమాతో సూపర్ క్రేజ్ సంపాదించుకున్న ఈ సుందరి ప్రస్తుతం భారీ పాన్ ఇండియా ప్రాజెక్ట్ హరిహరవీరమల్లు (Hari Hara Veera Mallu)లో ఫీ మేల్ లీడ్ రోల్లో నటిస్తోంది.
తెలుగు, తమిళ భాషల్లో సినిమాలు చేస్తూ వెళ్తున్న నిధి అగర్వాల్ పుట్టినరోజు (Birthday) నేడు. ఈ సందర్భంగా మూవీ లవర్స్, ఫాలోవర్లు, నెటిజన్లు బర్త్ డే విషెస్ తెలియజేస్తున్నారు. హరిహర వీరమల్లులోని అందమైన లుక్ను నెట్టింట తెగ షేర్ చేస్తూ శుభాకాంక్షలు తెలుపుతున్నారు. ఈ చిత్రంలో పంచమిగా కనిపించనుంది. ఇప్పటికే ఈ మూవీ నుంచి నాట్యం చేస్తున్న స్టిల్ను నిధి అగర్వాల్ షేర్ చేయగా.. సోషల్ మీడియాలో హల్ చల్ చేస్తోంది.
కొంతకాలంగా సరైన బ్రేక్ కోసం ఎదురుచూస్తున్న నిధి అగర్వాల్ ప్రస్తుతం పవన్ కల్యాణ్ సినిమాపైనే భారీ ఆశలు పెట్టుకుంది. ఈ చిత్రం బాక్సాఫీస్ వద్ద హిట్టయితే నిధి పాన్ ఇండియా స్థాయిలో స్టార్ డమ్ తెచ్చుకోవడం పక్కా అని చెబుతున్నారు ట్రేడ్ విశ్లేషకులు. క్రిష్ దర్శకత్వం వహిస్తున్న హరిహరవీరమల్లు షూటింగ్కు సంబంధించి కొత్త అప్డేట్ రావాల్సి ఉంది.