వినూత్న కథాంశంతో..

అనురాగ్‌, సంతోష్‌, సాయివిక్రాంత్‌ ప్రధాన పాత్రల్లో హన్‌ శివ్‌ ఎంటర్‌టైన్‌మెంట్స్‌ సంస్థ నిర్మిస్తున్న తాజా చిత్రం సోమవారం పూజా కార్యక్రమాలతో మొదలైంది.

అనురాగ్‌, సంతోష్‌, సాయివిక్రాంత్‌ ప్రధాన పాత్రల్లో హన్‌ శివ్‌ ఎంటర్‌టైన్‌మెంట్స్‌ సంస్థ నిర్మిస్తున్న తాజా చిత్రం సోమవారం పూజా కార్యక్రమాలతో మొదలైంది. టి.డి.ప్రసాద్‌వర్మ దర్శకత్వం వహిస్తున్న ఈ చిత్రాన్ని ఎన్‌.మహేశ్వరి, పి.జ్యోతి నిర్మిస్తున్నారు. ముహూర్తపు సన్నివేశానికి నిర్మాత కె.అచ్చిరెడ్డి క్లాప్‌నివ్వగా, నటుడు అలీ కెమెరా స్విఛాన్‌ చేశారు.

వినూత్న కథాంశంతో ఈ చిత్రాన్ని రూపొందిస్తున్నామని, త్వరలో సినిమాకు సంబంధించిన మరిన్ని వివరాలను తెలియజేస్తామని మేకర్స్‌ పేర్కొన్నారు. ఆలీ, చమ్మక్‌చంద్ర, ఆటో రాంప్రసాద్‌, ఫణి, వినీత రెడ్డి తదితరులు నటిస్తున్న ఈ చిత్రానికి కెమెరా: బాలు.ఆర్‌, సంగీతం: టాన్‌తేజ్‌, రచన: దాసరి బ్రహ్మానందం, కుమార్‌ మల్లారపు, అశ్విన్‌.ఆర్‌, దర్శకత్వం: టీడీ ప్రసాద్‌వర్మ.