Sandeep Madhav | జోష్, రైల్వే స్టేషన్, దళం, జ్యోతిలక్ష్మి, లోఫర్ సినిమాల్లో క్యారెక్టర్ ఆర్టిస్టుగా సిల్వర్ స్క్రీన్పై మెరిశాడు సందీప్ మాధవ్ (Sandeep Madhav). లీడ్ యాక్టర్గా వంగవీటి, జార్జిరెడ్డి సినిమాలతో మంచి గుర్తింపు తెచ్చుకున్నాడు. గతేడాది గంధర్వ సినిమాతో ప్రేక్షకుల ముందుకొచ్చిన ఈ హైదరాబాదీ యాక్టర్ కొత్త సినిమా అప్డేట్ అందించాడు. సందీప్ మాధవ్ కొత్త సినిమా నేడు గ్రాండ్గా షురూ అయింది. ఓదెల రైల్వే స్టేషన్ ఫేం అశోక్ తేజ (AshokTeja )ఈ చిత్రానికి దర్శకత్వం వహిస్తున్నాడు.
ఇంకా టైటిల్ ఫిక్స్ కానీ ఈ ప్రాజెక్ట్ ఇవాళ గ్రాండ్గా లాంఛ్ అయింది. ముహూర్తపు సన్నివేశానికి పాపులర్ డైరెక్టర్ సంపత్ నంది క్లాప్ కొట్టాడు. కేసీఆర్ ఫిలింస్, శ్రీ మహా విష్ణు మూవీస్ సంయుక్తంగా ఈ చిత్రాన్ని తెరకెక్కిస్తున్నాయి. కేథరిన్ థ్రెసా (CatherineTresa) ఈ చిత్రంలో ఫీ మేల్ లీడ్ రోల్లో నటిస్తోంది. సామాజిక ఇతివృత్తంతో సాగే సినిమాలు చేసే సందీప్ మరి ఈ సారి ఎలాంటి కథతో రాబోతున్నాడనేది ప్రస్తుతానికి సస్పెన్స్ నెలకొంది. ఈ ఏడాది వాల్తేరు వీరయ్య సినిమాలో రవితేజ భార్య పాత్రలో మెరిసింది కేథరిన్. తాజా చిత్రంలో ఎలాంటి రోల్ చేస్తుందనేది తెలియాల్సి ఉంది.
ఓదెల రైల్వేస్టేషన్ను చూసి నాకు ఈ అవకాశం ఇచ్చారు..
హీరో, హీరోయిన్లలపై చిత్రీకరించిన ముహుర్తపు సన్నివేశానికి ప్రముఖ దర్శకుడు సంపత్ నంది క్లాప్ నివ్వగా, ప్రముఖ నిర్మాత సి.కల్యాణ్ స్వీచ్చాన్ చేశారు. ప్రసన్నకుమార్, జెమిని కిరణ్లు గౌరవ దర్శకత్వం వహించారు. ఈ సందర్భంగా ఏర్పాటు చేసిన ప్రెస్ మీట్లో దర్శకుడు మాట్లాడుతూ.. ఓదెల రైల్వేస్టేషన్ను చూసి నాకు ఈ అవకాశం ఇచ్చారు నిర్మాతలు. కథ వినగానే కేథరిన్, హీరో సందీప్లు ఎంతో ఆసక్తి చూపించారు. జార్జిరెడ్డి తరువాత ఎన్నో కథలు విన్న సందీప్ ఈ కథ వినగానే ఓకే చేశాడు. నా ఓదెల రైల్వేస్టేషన్కు పదిరెట్లు అద్భుతంగా ఈ సినిమా వుంటుంది అన్నారు. హీరోయిన్ కేథరిన్ మాట్లాడుతూ.. కథ వినగానే ఎంతో నచ్చింది. స్క్రీన్ప్లే బేస్డ్ సినిమా ఇది.సరికొత్త యాక్షన్ థ్రిల్లర్. ప్రేక్షకులకు కొత్త అనుభూతిని ఇచ్చే చిత్రమిది అన్నారు.
కథానాయకుడు సందీప్ మాట్లాడుతూ జార్జిరెడ్డి తరువాత చాలా కథలు విన్నాను. కానీ ఈ కథ వినగానే ఎంతో బాగా నచ్చింది. ప్రతి సన్నివేశం ఎంతో ఆసక్తికరంగా వుంటుంది. సినిమాలో వుండే ట్విస్ట్లు ఎవరూ ఊహించలేరు. చాలా కాలంగా పోలీస్ఆఫీసర్ పాత్రలో నటించాలని మంచి కథ కోసం ఎదురుచూస్తున్నాను. ఈ సినిమాలో అలాంటి పాత్ర దొరికింది.హీరోయిన్ కేథరిన్ పాత్రను కూడా దర్శకుడు ఎవరూ ఎక్స్పెక్ట్ చేయని రీతిలో డిజైన్ చేశాడు. సినిమాకు మంచి టీమ్ కుదరింది అన్నారు.
చిత్ర సమర్పకుడు సోమ విజయప్రకాష్ మాట్లాడుతూ.. ఇంతవరకు నేను వినని సస్పెన్స్ థ్రిల్లర్ ఇది. చివరి వరకు సినిమాలో వుండే ట్విస్ట్లు ఎవరూ ఊహించలేరు. అందరి ఊహలకు భిన్నంగా సినిమా వుంటుంది. ఎక్కడా కాంప్రమైజ్ కాకుండా భారీ ఖర్చుతో ఈ సినిమాను నిర్మిస్తున్నాం అన్నారు. నిర్మాతల్లో ఒకరైన పల్లి కేశవరావు మాట్లాడుతూ కొంత విరామం తరువాత నిర్మాతగా ఈ సినిమా చేస్తున్నాను. మంచి టీమ్తో సినిమా చేస్తున్నాం. చిత్రీకరణ పూర్తయ్యే వరకు కంటిన్యూ షెడ్యూల్ వుంటుందన్నారు.
ఈ చిత్రంలో రాజా చెంబోలు, రవికాలే, దీక్షా పంత్, కీర్తిచావ్లా, నిష్మా, శ్రీనివాస్ రెడ్డి, మధునందన్, ఆనంద్ చక్రపాణి, సాయిరేవతి, భానుశ్రీ, దొరబాబు, బేబీ కృతి నందన తదితరులు నటిస్తున్న ఈ చిత్రానికి డైరెక్టర్ ఆఫ్ ఫోటోగ్రఫీ: సతీష్ ముత్యాల, సంగీతం: అనూప్ రూబెన్స్, ఎడిటర్: జునైద్ సిద్దిక్, ఆర్ట్ డైరెక్టర్: రాజీవ్ నాయర్, కో-డైరెక్టర్: బాలాజి శాస్త్రి, ప్రొడక్షన్ కంట్రోలర్: బి.ముత్యాల రాము, సహ నిర్మాతలు: రొంగల శివశంకర్, గౌటి హరినాధ్
క్లాప్ కొట్టిన సంపత్ నంది..
KCR Films & Sree Maha Vishnu Movies Film Launched Starring @SandeepMadhav_ @CatherineTresa1 #AshokTeja Of #OdelaRailwayStation Directs The Film. @IamSampathNandi Kick Started The Proceedings With The Clap 🎬 . pic.twitter.com/jDrFUAmdXC
— BA Raju’s Team (@baraju_SuperHit) July 27, 2023
New Film Opens Today With Auspicious Pooja Ceremony Starring @SandeepMadhav_ @CatherineTresa1 Directed By #OdelaRailwayStation Fame #AshokTeja. Dynamic Director @IamSampathNandi & Producer #CKalyan Graced The Occasion As Chief Guests . @madurimadhu1 pic.twitter.com/fWY9XFXKsr
— BA Raju’s Team (@baraju_SuperHit) July 27, 2023