Unstoppable-2 Prabhas Episode | ఎప్పుడెప్పుడా అని ప్రభాస్ అభిమానులు ఎంతగానో ఎదురు చూస్తున్న ‘అన్స్టాపబుల్-2’ బాహుబలి ఎపిసోడ్ ‘ఆహా’లోకి వచ్చేసింది. ప్రస్తుతం ఎక్కడా చూసిన ఇదే ట్రెండింగ్లో ఉంది. అంతేకాకుండా సరికొత్త రికార్డులు కూడా కొల్లగొడుతుంది. రెండు భాగాలుగా తెరకెక్కిన ఈ ఎపిసోడ్.. మొదటి పార్టు గత రాత్రి నుండి స్ట్రీమింగ్ అవుతుంది. కాగా ఆహాలో విడుదలైన ఈ ఎపిసోడ్ పన్నెండు గంటల్లోనే 50మిలియన్ మినట్స్ను సొంతం చేసుకుని సరికొత్త రికార్డు సృష్టించింది. ఇక ఈ ఎపిసోడ్ మొత్తం ఫుల్ ఎంటర్టైనింగ్ సాగింది. కాగా ఈ ఎపిసోడ్లో ప్రభాస్, రామ్చరణ్కు కాల్ చేయడం హైలైట్గా నిలిచింది.
డార్లింగ్ మీకు త్వరలోనే గుడ్ న్యూస్ చెబుతాడంటూ చరణ్, ప్రభాస్ మ్యారేజ్పై హింట్ ఇచ్చాడు. అంతలో బాలయ్య రెడ్డినా?, చౌదరీనా?, సనన్ హా?, శెట్టీనా? అంటూ చరణ్ను అడిగాడు. దానికి చరణ్ అది తాను చెప్పలేనని, మీరే ఊహించుకోండని ప్రభాస్ను ఇరికించాడు. దాంతో ప్రభాస్ ‘రేయ్.. ఏం మాట్లాడుతున్నావ్ డార్లింగ్ నువ్వు నా ఫ్రెండువా? శత్రువా?’ అంటూ చరణ్కు ఫోన్ కాల్లో రిప్లై ఇచ్చాడు. అంతేకాకుండా ప్రభాస్ లైఫ్లో ఇప్పటికైతే ఏ అమ్మాయి లేదని కూడా చెప్పాడు. ప్రభాస్ రేయ్ రేయ్ అని మాట్లాడటం. చరణ్ కూడా డార్లింగ్ డార్లింగ్ అంటూ అనడం అభిమానులను షాక్కు గురిచేస్తుంది. వీళ్ళిద్ధరి మధ్య బాండింగ్ ఇంతలా ఉందా అని అనుకుంటున్నారు. ఈ బాండింగ్ను చూసి అటు మెగా అభిమానులు, ఇటు ప్రభాస్ అభిమానులు ఖుషీ అవుతున్నారు. కాగా వీరిద్ధరూ రాజమౌళి కొడుకు ఎస్.ఎస్ కార్తికేయ పెళ్లిలో క్లోజ్ అయినట్లు సమాచారం.