Visit:
Emergency Movie | బాలీవుడ్ ఫైర్ బ్రాండ్ కంగనా రనౌత్ (Kangana Ranaut) స్వీయ ద‌ర్శ‌క‌త్వంలో వ‌స్తున్న తాజా చిత్రం ‘ఎమర్జెన్సీ’ (Emergency). దివంగత భారతప్రధాని ఇందిరాగాంధీ జీవిత చరిత్ర ఆధారంగా రూపొందిన ఈ సినిమాలో ఇందిరాగాంధీగా కంగనా నటిస్తున్న విష‌యం తెలిసిందే. జీ స్టూడియోస్‌, మణికర్ణిక ఫిలిమ్స్‌ బ్యానర్లు నిర్మిస్తున్న ఈ చిత్రంలో అనుపమ్‌ ఖేర్‌, మహిమా చౌదరి, మిలింద్‌ సోమన్‌, శ్రేయాస్‌ తల్పాడే తదితరులు కీలక పాత్రల్లో నటిస్తున్నారు. ఈ చిత్రం గ‌తేడాది నవంబరు 24న విడుదల కావాల్సి ఉండ‌గా.. అనుకోని కార‌ణాల వ‌ల‌న విడుదల వాయిదా ప‌డింది. ఆ త‌ర్వాత జూన్ 14న విడుదల చేయానున్న‌ట్లు మేక‌ర్స్ ప్ర‌క‌టించారు. అయితే ఈ క్ర‌మంలోనే కంగనా పొలిటిక‌ల్ ఎంట్రీ ఇవ్వ‌డం హిమ‌చ‌ల్ ప్ర‌దేశ్ ‘మండి’ నియోజకవర్గం నుంచి ఎంపీగా పోటి చేస్తుండ‌డంతో ఈ సినిమా మ‌ళ్లీ వాయిదా ప‌డింది తాజాగా ఇదే విష‌యాన్ని మేక‌ర్స్ సోష‌ల్ మీడియా ద్వారా వెల్ల‌డించారు.
‘క్వీన్ కంగనా రనౌత్ పట్ల ప్రజలు ఎంతో ప్రేమ చూపుతున్నారు. దీంతో మా హృదయాలు నిండిపోయాయి. ప్రస్తుతం ఆమె దేశసేవకే ప్రాధాన్యత ఇచ్చారు. అందుకే ఎమర్జెన్సీ సినిమా విడుద‌ల‌కు సంబంధించి కంగనా దూరంగా ఉంటున్నారు. అందువ‌లన ఈ సినిమాను వాయిదా వేస్తున్నాం. కొత్త విడుదల తేదీని త్వరలోనే తెలియచేస్తాం. మీ మద్దతుకు ధన్యవాదాలు అంటూ కంగనా టీమ్ వెల్ల‌డించింది.
View this post on Instagram
మాజీ ప్రధాని ఇందిరాగాంధీ జీవితం ఆధారంగా ఈ సినిమా రానుండ‌గా.. ఇందిరాగాంధీ పాత్రలో కంగనా న‌టిస్తూ.. దర్శకత్వంతో పాటు నిర్మాణ భాద్య‌తాల‌ను చేపట్టారు. ఇక ఈ చిత్రంలో జయప్రకాష్‌ నారాయణ్‌ పాత్రలో అనుపమ్‌ ఖేర్‌, మాజీ ప్రధాని అటల్‌ బిహారీ వాజ్‌పేయీ పాత్రలో శ్రేయస్ తల్పడే కనిపించనున్నారు.
