Sita Ramam Movie | ‘సీతారామం’ నుండి ‘ఓ ప్రేమ’ లిరిక‌ల్‌ సాంగ్ విడుద‌ల‌..!

August 2, 2022 / 02:32 PM IST

‘ఓకే బంగారం’ సినిమాతో తెలుగు ప్రేక్ష‌కుల‌కు ప‌రిచ‌య‌మ్యాడు దుల్క‌ర్ స‌ల్మాన్‌. ఆ త‌ర్వాత ‘మ‌హాన‌టి’తో నేరుగా తెలుగులోనే న‌టించి టాలీవుడ్ ప్రేక్ష‌కుల‌కు మ‌రింత ద‌గ్గ‌ర‌య్యాడు. ప్రస్తుతం ఈయ‌న న‌టించిన ‘సీతారామం’ విడుద‌ల‌కు సిద్ధంగా ఉంది. హ‌నురాఘ‌వ‌పూడి ద‌ర్శ‌క‌త్వం వ‌హించిన ఈ చిత్రంపై ప్రేక్ష‌కుల‌లో భారీ అంచ‌నాలే ఉన్నాయి. ఇక‌ ఇటీవ‌లే విడుద‌లైన ట్రైల‌ర్ ప్రేక్ష‌కుల‌ను విపరీతంగా ఆక‌ట్టుకుంది. ఈ చిత్రం ఆగ‌స్టు 5న విడుద‌ల కానుంది. ఈ క్ర‌మంలో మేక‌ర్స్ ఏదో ఒక అప్‌డేట్‌తో ప్రేక్ష‌కుల‌లో క్యూరియాసిటీని పెంచుతున్నారు. తాజాగా ఈ చిత్రంలోని ఓ ప్రేమ‌ అంటూ సాగే ఎమోష‌న‌ల్ సాంగ్‌ను మేక‌ర్స్ విడుద‌ల చేశారు.

లేటెస్ట్‌గా విడుద‌లైన ఈ పాట‌ను క్రిష్ణ కాంత్ ర‌చించ‌గా.. క‌పిల్ క‌పిల‌న్‌, చిన్మ‌యి ఆల‌పించారు. విశాల్ చంద్ర‌శేఖ‌ర్ స్వ‌ర ప‌రిచిన ఈ పాట శ్రోత‌ల‌ను విప‌రీతంగా ఆక‌ట్టుకుంటుంది. రొమాంటిక్ డ్రామా ఎంట‌ర్టైన‌ర్‌గా తెర‌కెక్కుతున్న‌ ఈ చిత్రంలో దుల్క‌ర్ లెఫ్టినెంట్ రామ్ పాత్ర‌లో క‌నిపించ‌నున్నాడు. మృనాళ్ థాకూర్ హీరోయిన్‌గా న‌టించిన ఈ చిత్రంలో నేష‌న‌ల్ క్ర‌ష్ ర‌ష్మిక మంద‌న్న కాశ్మీర్ ముస్లిం అమ్మాయిగా కథ‌ను మ‌లుపు తిప్పే పాత్ర‌లో న‌టించ‌నుంది. ఈ చిత్రాన్ని స్వ‌ప్న సినిమాస్ బ్యాన‌ర్‌పై స్వ‌ప్న ద‌త్ నిర్మిస్తుంది.