బుల్లితెర బిగ్ రియాలిటీ షో బిగ్ బాస్ కార్యక్రమంతో పాపులర్ అయిన వారు చాలా మంది ఉన్నారు. కాని ఆ పాపులారిటీతో వరుస ఆఫర్స్ అందిపుచ్చుకుంటూ ఇండస్ట్రీలో సెట్ అయిన వారు కొందరే. అలాంటి కోవలోకి దివి కూడా వస్తుంది. బిగ్ బాస్ షోకి ముందు ఈ అమ్మడు చాలా సినిమాలలో నటించింది. మహర్షి చిత్రంలోను మెరిసింది. అయితే ఈ అమ్మడిని ఎవరు పెద్దగా గుర్తించలేకపోయారు.
బిగ్ బాస్ సీజన్ 4లో పాల్గొన్న దివి తన అందచందాలతో పాటు టాలెంట్తో అందరి దృష్టిని ఆకర్షించింది. దివి అందాలకు చిరంజీవి కూడా ఫ్లాట్ అయి తన సినిమాలో ఛాన్స్ ఇస్తానని ప్రకటించిన విషయం తెలిసిందే. ఇటీవలే క్యాబ్ స్టోరీస్తో హీరోయిన్గా అలరించిన ఈ భామకు తాజాగా మరో భారీ ఆఫర్ వచ్చిందట. సోగ్గాడే చిన్ని నాయన డైరెక్టర్ కళ్యాణ్ కృష్ణ ఆధ్వర్యంలో రూపొందుతున్న ఓ వెబ్సిరీస్లో హీరోయిన్గా దివిని తీసుకున్నట్లు తెలుస్తుంది.
ఈ వెబ్ సిరీస్కు కళ్యాణ్ కృష్ణ కథ అందించడంతో పాటు నిర్మాతగాను వ్యవహరిస్తున్నారట. అతి త్వరలో సెట్స్ పైకి వెళ్లనున్న ఈ ప్రాజెక్ట్కి సంబంధించిన మరిన్ని వివరాలు త్వరలో వెల్లడించనున్నారు. కళ్యాణ్ కృష్ణ ప్రస్తుతం బంగార్రాజు పనులతో బిజీగా ఉన్న విషయం తెలిసిందే. ఈ సినిమాలో మోనాల్ని ఓ పాత్రకు ఎంపిక చేసినట్టు ప్రచారం జరుగుతుంది. ఇదే నిజమైతే కళ్యాణ్ కృష్ణ.. బిగ్ బాస్ బ్యూటీస్పై బాగానే కాన్సన్ట్రేషన్ చేసినట్టు అర్ధమవుతుంది.