సౌండ్‌ బాగా నచ్చింది

శివనాగేశ్వర రావు దర్శకత్వంలో రూపొందిన చిత్రం ‘దోచేవారెవరురా’. ఐక్యూ క్రియేషన్స్‌ పతాకంపై బొడ్డు కోటేశ్వర రావు నిర్మించారు.

శివనాగేశ్వర రావు దర్శకత్వంలో రూపొందిన చిత్రం ‘దోచేవారెవరురా’. ఐక్యూ క్రియేషన్స్‌ పతాకంపై బొడ్డు కోటేశ్వర రావు నిర్మించారు. ప్రణవచంద్ర, మాళవిక సతీషన్‌, మాస్టర్‌ చక్రి, అజయ్‌ఘోష్‌, బిత్తిరి సత్తి, ప్రణవి ప్రధాన పాత్రల్లో నటించారు. ఈ చిత్రంలోని ‘సుక్కు సుక్కు..’ అనే పాటను ప్రముఖ దర్శకుడు సుకుమార్‌ విడుదల చేశారు.

ఈ సందర్భంగా ఆయన మాట్లాడుతూ ‘నేను శివనాగేశ్వరరావుగారికి పెద్ద ఫ్యాన్‌ని. వన్స్‌మోర్‌ అనే యూట్యూబ్‌ ఛానల్‌ ద్వారా ఆయన తన అనుభవాలను ఒక్క అబద్దం లేకుండా చెబుతున్నారు. ఈ పాటలో ‘సుక్కు సుక్కు..’ అనే సౌండ్‌ బాగా నచ్చింది. ఈ సినిమా పెద్ద విజయం సాధించాలి’ అన్నారు. సుకుమార్‌ ఈ పాటను లాంచ్‌ చేయడం ఆనందంగా ఉందన్నారు శివనాగేశ్వరరావు. ఈ చిత్రానికి కెమెరా: అర్లి గణేష్‌, సంగీతం: రోహిత్‌ వర్ధన్‌, రచన-దర్శకత్వం: కె.శివనాగేశ్వరరావు.