మా జీవితాలు సార్థకమయ్యాయి

సినిమాకు పనిచేసిన ప్రతి ఒక్కరికీ థ్యాంక్స్‌. ఇది మీ అందరి ఎనర్జీ వల్ల వచ్చిన విజయం. మీ అందరూ కష్టపడి, ఫలితాన్ని మాత్రం నాకిచ్చారు. అయిదేళ్లు మా అందర్నీ బాగా చూసుకున్నందుకు నిర్మాతలకు థ్యాంక్స్‌.

‘సినిమాకు పనిచేసిన ప్రతి ఒక్కరికీ థ్యాంక్స్‌. ఇది మీ అందరి ఎనర్జీ వల్ల వచ్చిన విజయం. మీ అందరూ కష్టపడి, ఫలితాన్ని మాత్రం నాకిచ్చారు. అయిదేళ్లు మా అందర్నీ బాగా చూసుకున్నందుకు నిర్మాతలకు థ్యాంక్స్‌. క్యూబా కెమెరా, దేవిశ్రీ సంగీతం ఈ సినిమాకు ప్రాణం. చీఫ్‌ టెక్నీషియన్స్‌ అందరూ ప్రాణం పెట్టారు. ఇక ప్రేక్షకులు ఈ సినిమాపై చూపించిన ప్రేమ మాటల్లో చెప్పలేను. మ నం ఎంత కష్టపడ్డా.. అందరికీ హిట్‌ ఇచ్చేది దర్శకుడొక్కరే. ఈ సినిమాకు పనిచేసిన అందరం సుకుమార్‌కు థ్యాంక్స్‌ చెప్పాలి. ఈ విజయం ఆయనదే. పుష్ప ఫ్రాంచైజీ ద్వారా మా అందరి జీవితాలు సార్థకమయ్యాయ్‌.

చివరిగా ఈ విజయాన్ని నా అభిమానులకు డెడికేట్‌ చేస్తున్నా. ’ అని అల్లు అర్జున్‌ అన్నారు. ఆయన కథానాయకుడిగా సుకుమార్‌ దర్శకత్వంలో మైత్రీ మూవీమేకర్స్‌ నిర్మించిన చిత్రం ‘పుష్ప2’. ‘పుష్ప’ చిత్రానికి సీక్వెల్‌గా వచ్చిన ఈ సినిమా ఆలిండియా రికార్డులను తిరగరాసింది. చిత్ర నిర్మాతలు నవీన్‌ యర్నేని, యలమంచిలి రవిశంకర్‌ ఈ చిత్రం థ్యాంక్స్‌ మీట్‌ని శనివారం హైదరాబాద్‌లో నిర్వహించారు. ఈ సందర్భంగా అల్లు అర్జున్‌ మాట్లాడారు. సినిమాకు పనిచేసిన అందరికీ పేరుపేరున దర్శకుడు సుకుమార్‌ కృతజ్ఞతలు తెలియజేశారు. దేవిశ్రీప్రసాద్‌, బన్నీవాసు, సునీల్‌, నవీన్‌ నూలి, ఎస్‌కేఎన్‌ తదితరులు ఈ కార్యక్రమంలో పాల్గొని మాట్లాడారు.