‘కేజీఎఫ్‌-3’కి స్క్రిప్ట్‌ సిద్ధం

‘కేజీఎఫ్‌' సిరీస్‌ సినిమాలతో పాటు ‘సలార్‌' చిత్రంతో దేశవ్యాప్తంగా పాపులారిటీ సంపాదించుకున్నారు దర్శకుడు ప్రశాంత్‌నీల్‌. ప్రస్తుతం ఆయన ‘సలార్‌' సీక్వెల్‌ ‘శౌర్యంగపర్వం’ షూటింగ్‌ కోసం సన్నద్ధమవుతున్నారు. ఈ నెలలోనే ఈ సినిమా సెట్స్‌ మీదకు వెళ్లనుంది. ఇదిలావుండగా ‘కేజీఎఫ్‌' సిరీస్‌లో వచ్చిన రెండు చిత్రాలకు పాన్‌ ఇండియా స్థాయిలో అపూర్వ ఆదరణ దక్కిన విషయం తెలిసిందే.

‘కేజీఎఫ్‌’ సిరీస్‌ సినిమాలతో పాటు ‘సలార్‌’ చిత్రంతో దేశవ్యాప్తంగా పాపులారిటీ సంపాదించుకున్నారు దర్శకుడు ప్రశాంత్‌నీల్‌. ప్రస్తుతం ఆయన ‘సలార్‌’ సీక్వెల్‌ ‘శౌర్యంగపర్వం’ షూటింగ్‌ కోసం సన్నద్ధమవుతున్నారు. ఈ నెలలోనే ఈ సినిమా సెట్స్‌ మీదకు వెళ్లనుంది. ఇదిలావుండగా ‘కేజీఎఫ్‌’ సిరీస్‌లో వచ్చిన రెండు చిత్రాలకు పాన్‌ ఇండియా స్థాయిలో అపూర్వ ఆదరణ దక్కిన విషయం తెలిసిందే.

ఈ నేపథ్యంలో ఈ సిరీస్‌లో మూడో సినిమా కోసం అభిమానులు ఆతృతగా ఎదురుచూస్తున్నారు. తాజా ఇంటర్వ్యూలో ‘కేజీఎఫ్‌-3’కి సంబంధించి అప్‌డేట్‌ను అందించారు దర్శకుడు ప్రశాంత్‌నీల్‌. ఈ సినిమా స్క్రిప్ట్‌ సిద్ధంగా ఉందని, హీరో యష్‌ ఇతర ప్రాజెక్ట్స్‌తో బిజీగా ఉన్నందున ఆయన డేట్స్‌ కోసం ఎదురుచూస్తున్నానని తెలిపారు. ‘ప్రస్తుతం ‘శౌర్యంగపర్వం’ మీదనే దృష్టి పెట్టాను. ఈ సినిమా పూర్తయిన తర్వాతే ‘కేజీఎఫ్‌-3’ పట్టాలెక్కుతుంది’ అని ప్రశాంత్‌నీల్‌ చెప్పారు. హీరో యష్‌ ప్రస్తుతం ‘టాక్సిక్‌’ అనే చిత్రంలో నటిస్తున్నారు. ‘రామాయణ’లో రావణాసురుడి పాత్రలో కనిపించనున్నారు. ఈ రెండు చిత్రాలు పూర్తయిన తర్వాతే ఆయన ‘కేజీఎఫ్‌-3’ సెట్స్‌లో అడుగుపెడతారని సమాచారం.