Visit:
‘తెలంగాణ సంస్కృతి చాలా గొప్పది. ఈ నేలలో అంతర్లీనంగా అద్భుత శక్తి దాగుంది. తెలంగాణలోని ప్రతి అంశంపై సినిమా తీయొచ్చు. ఈ క్రమంలో తెలంగాణ ఉద్యమానికి తెరరూపాన్నిస్తూ చేసిన సినిమానే ‘డెక్కన్‌ సర్కార్‌’. పోరాటాలకు విరామం ఉండదనే కాన్సెప్ట్‌తో ఈ సినిమా చేశాను. తెలంగాణ ఆత్మను ఆవిష్కరించిన సినిమా ఇది. త్వరలో నిజామాబాద్‌లో ప్రీరిలీజ్‌ ఈవెంట్‌ నిర్వహించనున్నాం.’
అని దర్శకుడు కళా శ్రీనివాస్‌ అన్నారు. ఆయన నటిస్తూ.. స్వీయదర్శకత్వంలో రూపొందిస్తున్న చిత్రం ‘డెక్కన్‌ సర్కార్‌’. ఈ సినిమా పోస్టర్‌, టీజర్‌ లాంచ్‌ కార్యక్రమం గురువారం హైదరాబాద్‌లో జరిగింది. ఈ సందర్భంగా కళా శ్రీనివాస్‌ మాట్లాడారు. ఈ సినిమాలో భాగం అవ్వడం పట్ల ఘర్షణ శ్రీనివాస్‌, నటి హేమ ఆనందం వెలిబుచ్చారు. తెలంగాణ ఉద్యమకారుడు గాదె ఇన్నారెడ్డి, తెలంగాణ ఫిల్మ్‌ఛాంబర్‌ అధ్యక్షుడు ప్రతాని రామకృష్ణగౌడ్‌ కూడా ఈ కార్యక్రమంలో పాల్గొన్నారు.
