అంజనాద్రి ఫాంటసీ ప్రపంచం ‘హను-మాన్‌’

‘హను-మాన్‌' ప్రేక్షకుల్లో విపరీతమైన అంచనాలున్న సినిమా. సంక్రాంతి కానుకగా జనవరి 12న విడుదల కానుంది. తేజా సజ్జా కథానాయకుడిగా నటిస్తున్న ఈ చిత్రానికి ప్రశాంత్‌వర్మ దర్శకుడు.

‘హను-మాన్‌’ ప్రేక్షకుల్లో విపరీతమైన అంచనాలున్న సినిమా. సంక్రాంతి కానుకగా జనవరి 12న విడుదల కానుంది. తేజా సజ్జా కథానాయకుడిగా నటిస్తున్న ఈ చిత్రానికి ప్రశాంత్‌వర్మ దర్శకుడు. కె.నిరంజన్‌రెడ్డి నిర్మాత. ప్రచారంలో భాగంగా ఇప్పటికే విడుదల చేసిన మూడు పాటలకూ మంచి స్పందన వస్తున్నదని, ఈ నెల 19న ‘హను-మాన్‌’ థియేట్రికల్‌ ట్రైలర్‌ను విడుదల చేయనున్నామని చిత్రబృదం తెలియజేసింది.

ఈ సందర్భంగా విడుదల చేసిన పోస్టర్‌లో హీరో కళ్లు మూసుకొని దేవుడ్ని ప్రార్థిస్తూ కనిపించాడు. అంజనాద్రి ఫాంటసీ ప్రపంచాన్ని ఈ ట్రైలర్‌ ద్వారా పరిచయం చేయనున్నట్టు చిత్ర బృందం తెలిపింది. తెలుగు, హిందీ, మరాఠీ, తమిళం, కన్నడ, మలయాళం, ఇంగ్లిష్‌, స్పానిష్‌, కొరియన్‌, చైనీస్‌, జపనీస్‌ తదితర భాషల్లో పాన్‌ వరల్డ్‌ మూవీగా ‘హను-మాన్‌’ విడుదల కానుంది. అమృత అయ్యర్‌ కథానాయికగా నటిస్తున్న ఈ చిత్రానికి వినయ్‌రాయ్‌, వరలక్ష్మి శరత్‌కుమార్‌ కీలక పాత్రధారులు. ఈ చిత్రానికి కెమెరా: దాశరథి శివేంద్ర, సంగీతం: గౌరహరి, అనుదీప్‌ దేవ్‌, కృష్ణ సౌరభ్‌.