Acharya release date | కొవిడ్ కారణంగా రావాల్సిన సినిమాలు చాలా వరకు వాయిదా పడ్డాయి. ఇప్పటికే పెద్ద సినిమాలు ఎందుకు రిలీజ్ కాకుండా ఆగిపోయాయి. షూటింగ్స్ కూడా ఆగిపోయే సరికి అందరూ షాక్లోకి వెళ్లిపోయారు. అనుకున్న సినిమాలు ఒక్కటి కూడా రిలీజ్ కావడం లేదు. మరోవైపు సినిమా షూటింగ్స్ కూడా ఆగిపోతున్నాయి. ఈ క్రమంలోనే మెగాస్టార్ చిరంజీవి హీరోగా నటిస్తున్న ఆచార్య సినిమా విడుదల తేదీపై కూడా అందరికీ అనుమానాలు మొదలయ్యాయి. ఫిబ్రవరి 4న ఈ సినిమా విడుదల అవుతుంది అని ఇప్పటికే పోస్టర్స్ రిలీజ్ చేశారు. మ్యాట్నీ ఎంటర్టైన్మెంట్స్తో కలిసి కొణిదెల ప్రొడక్షన్ కంపెనీ ఈ సినిమాను నిర్మించింది.
కొరటాల శివ తెరకెక్కిస్తున్న ఈ సినిమాలో రామ్ చరణ్ మరో కీలక పాత్రలో నటిస్తున్నాడు. ఈయనకు జోడిగా పూజాహెగ్డే నటిస్తోంది. చిరంజీవికి జోడీగా కాజల్ అగర్వాల్ నటిస్తున్న ఈ సినిమా దేవాలయాల చుట్టూ జరిగే అక్రమాల నేపథ్యంలో సాగుతుంది. ధర్మస్థలి అనే ప్రాంతంలో జరిగే కథ ఇది. నక్సలిజం బ్యాక్డ్రాప్లో కొరటాల శివ ఈ సినిమాను తెరకెక్కిస్తున్నాడు. ఇందులో చిరంజీవితో పాటు రామ్చరణ్ కూడా నక్సలైట్లుగా కనిపిస్తున్నారు.
మణిశర్మ సంగీతం అందించిన ఈ సినిమాలోని పాటలకు మంచి రెస్పాన్స్ వస్తోంది. ఈ మధ్యే విడుదలైన ఐటమ్ సాంగ్ కూడా అదిరిపోయింది. యూట్యూబ్లో ఈ పాటకు సూపర్ రెస్పాన్స్ వస్తోంది. ఇదిలా ఉంటే ఫిబ్రవరి 4న ఆచార్య విడుదల అవుతుందా లేదా అనే అనుమానాలు అందరిలోనూ ఉన్నాయి. ఎందుకంటే రాబోయే రోజుల్లో పరిస్థితులు మరింత దారుణంగా ఉండబోతున్నాయి. రోజురోజుకు కేసులు పెరుగుతున్న నేపథ్యంలో ఆచార్య రిలీజ్ డేట్ మారే అవకాశం లేకపోలేదని ఇండస్ట్రీలో ప్రచారం జరుగుతుంది. కేవలం ఆచార్య మాత్రమే కాదు ఫిబ్రవరిలో రాబోయే మరెన్నో సినిమాల విడుదల తేదీలు కూడా ఇప్పుడు సందిగ్ధంలో పడిపోయినట్లు తెలుస్తోంది.
లోకల్ టు గ్లోబల్ వార్తల కోసం.. నమస్తే తెలంగాణ ఫేస్బుక్, ట్విటర్ పేజీలను ఫాలో అవ్వండి
ఇంద్ర సినిమాకు ఒక్కో టికెట్ అంత ధరకు అమ్మారా.. ఆసక్తికర విషయాన్ని బయటపెట్టిన బి.గోపాల్
వివాదంలో చిరంజీవి ఆచార్య పాట.. పోలీసులను ఆశ్రయించిన RMPలు..
పవన్ కళ్యాణ్ను ఫస్ట్ టైం పవర్ స్టార్ అని ఎవరు పిలిచారో తెలుసా !
chiranjeevi | చిరంజీవికి పేరు లేని సినిమా ఏదో తెలుసా..?
మెగా ఫ్యామిలీ సీక్రెట్ బయటపెట్టిన పవన్ కళ్యాణ్