Chiranjeevi | చిరంజీవి కష్టాన్ని చూసి చలించిన లేడి అభిమాని.. ఆమెకి ధైర్యం చెప్పిన మెగాస్టార్
Chiranjeevi |మెగాస్టార్ చిరంజీవికి తన అభిమానులతో ఉన్న అనుబంధం ప్రత్యేకమైనది. ప్రతి వేదికపై వారి గురించి ప్రేమగా ప్రస్తావిస్తూ, తన ప్రయాణానికి అసలైన బలం అభిమానులేనని ఆయన ఎప్పటికప్పుడు చెబుతుంటారు. అదే కృతజ్ఞత భావంతో ఎన్నో సేవా కార్యక్రమాలు, ఛారిటీలు కూడా ప్రారంభించారు చిరంజీవి.
Chiranjeevi |మెగాస్టార్ చిరంజీవికి తన అభిమానులతో ఉన్న అనుబంధం ప్రత్యేకమైనది. ప్రతి వేదికపై వారి గురించి ప్రేమగా ప్రస్తావిస్తూ, తన ప్రయాణానికి అసలైన బలం అభిమానులేనని ఆయన ఎప్పటికప్పుడు చెబుతుంటారు. అదే కృతజ్ఞత భావంతో ఎన్నో సేవా కార్యక్రమాలు, ఛారిటీలు కూడా ప్రారంభించారు చిరంజీవి. అలాంటి ఆయన తాజాగా ఒక అభిమాని మాటలకు తీవ్రంగా స్పందిస్తూ భావోద్వేగానికి లోనయ్యారు.చిరంజీవి హీరోగా నటించిన తాజా చిత్రం ‘మన శంకర వరప్రసాద్ గారు’ సంక్రాంతి కానుకగా విడుదలై సంచలన విజయాన్ని అందుకుంది. విడుదలైన వారం రోజుల్లోనే రూ.300 కోట్లకు పైగా వసూళ్లు సాధించి టాలీవుడ్లో ఇండస్ట్రీ హిట్గా నిలిచింది.
ఈ ఘన విజయాన్ని పురస్కరించుకుని చిత్ర బృందం ప్రత్యేకంగా ఇండస్ట్రీ హిట్ సెలెబ్రేషన్స్ను నిర్వహించింది. ఈ వేడుకలో మాట్లాడిన చిరంజీవి, ఇటీవల తన దృష్టికి వచ్చిన ఒక లేడీ అభిమాని వీడియోను గుర్తు చేసుకున్నారు.ఆ వీడియోలో ఆ మహిళ చిరంజీవిని ఉద్దేశిస్తూ, ఎన్నో సంవత్సరాలుగా ఆయన పడుతున్న కష్టాన్ని, ఇంకా అదే నిబద్ధతతో పనిచేస్తున్న తీరును ప్రస్తావిస్తూ భావోద్వేగంగా మాట్లాడిందని చిరంజీవి తెలిపారు. “ఇంతకాలం కష్టపడ్డావు, ఇప్పటికీ ఆగకుండా పనిచేస్తున్నావు. కేవలం డబ్బుకోసం నువ్వు ఇలా చేస్తున్నావని నేను నమ్మను. నిన్ను అలా కష్టపడుతూ చూడటం కొంచెం బాధగా ఉంది” అంటూ ఆమె చెప్పిన మాటలు తన హృదయాన్ని తాకాయని చిరంజీవి చెప్పారు.
ఆ అభిమాని మాటలు తనను ఎంతగానో కదిలించాయని, అలాంటి అభిమానులు తన జీవితంలో ఉండటం తన అదృష్టమని చిరంజీవి భావోద్వేగంగా వెల్లడించారు. ఆ తల్లికి ఈ వేదిక మీద నుంచే ధన్యవాదాలు తెలుపుతూ, అభిమానుల ప్రేమే తనకు అసలైన శక్తి అని అన్నారు. “మీరు సంతోషపడాలంటే ఎంత కష్టమైనా పడతాను. ఆ కష్టంలోనే నాకు ఆనందం దొరుకుతుంది. అభిమానుల నుంచి వచ్చే పాజిటివ్ ఎనర్జీతోనే నేను ముందుకు సాగుతున్నాను. ఈ జన్మ ఉన్నంత వరకు ప్రేక్షకులను అలరిస్తూనే ఉంటాను” అంటూ చిరంజీవి చేసిన వ్యాఖ్యలు సభలో ఉన్నవారిని కదిలించాయి. ఈ మాటలతో మరోసారి అభిమానుల పట్ల చిరంజీవికి ఉన్న అపారమైన ప్రేమ, కృతజ్ఞత స్పష్టంగా కనిపించిందని అభిమానులు వ్యాఖ్యానిస్తున్నారు.
Read Today's Latest Cinema News in Telugu and Telugu News
RELATED ARTICLES
తాజా వార్తలు
బాలిలో 50 అడుగుల గణేశుడు.. గిన్నిస్ వరల్డ్ రికార్డ్స్లో చోటు
Raaka | అల్లు అర్జున్ ‘రాకా’ మ్యూజిక్ డైరెక్టర్కు షాక్.. ధనుష్ ‘ఓం’తో సాయి అభ్యంకర్పై విమర్శలు!
Supreme Court | రక్తసంబంధ వివాహాలపై చట్టం అవసరం.. కేంద్రానికి సుప్రీంకోర్టు సూచన
Bird Flu Vaccine | స్వదేశీ బర్డ్ ఫ్లూ టీకా వచ్చేసింది.. కోళ్లకు ఒక్కో డోసు ధర రూ.1 నుంచి రూ.2!
AP Investments | పెట్టుబడుల కోసం ఏపీ పెడదారి..‘గైడెన్స్ తమిళనాడు’ ఉదంతంతో తెలంగాణలోనూ కొత్త అనుమానాలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

