Visit:
Mega 158 | టాలీవుడ్ మెగాస్టార్ చిరంజీవి అభిమానులు ఎప్పుడెప్పుడా అనిఎదురుచూస్తున్న చిత్రాల్లో ఒకటి డైరెక్టర్ బాబీ (కేఎస్ రవీంద్ర) తో చేస్తున్నమెగా 158 (Mega 158). వాల్తేరు వీరయ్య తర్వాత ఈ ఇద్దరి కాంబోలో వస్తున్న సినిమా కావడంతో అంచనాలు భారీగానే ఉన్నాయి. ఇప్పటికే “ది స్పిరిట్ ఆఫ్ మెగా 158” పేరుతో రిలీజ్ చేసిన వీడియో నెట్టింట హల్ చల్ చేస్తోంది. ఇటీవలే మెగా 158 పొల్లాచ్చి షెడ్యూల్ పూర్తవగా.. సెట్స్లో చిరు అండ్ టీం దిగిన ఫొటోలు సోషల్ మీడియాలో రౌండప్ చేస్తున్నాయి.
తాజాగా బాబీ టీం ఆసక్తికర వార్తను షేర్ చేసుకుంది. ఈ మూవీ సెకండ్ షెడ్యూల్ హైదరాబాద్లో షురూ అయింది. చిరుపై వచ్చే ప్రతీ షాట్ అద్భుతంగా ఉండబోతుందని.. ప్రతీ సన్నివేశం వేడుకగా జరుపుకునేలా ఉంటుందని తెలియజేస్తూ ఓ వీడియో షేర్ చేశారు మేకర్స్. ఈ షెడ్యూల్లో నివేదా పేతురాజ్, అనస్వర రాజన్తోపాటు పలు కీలక నటీనటులపై వచ్చే సన్నివేశాలను షూట్ చేస్తున్నట్టు ఇన్సైడ్ టాక్. ఈ చిత్రాన్ని ప్రముఖ నిర్మాణ సంస్థ కేవీఎన్ ప్రొడక్షన్స్ నిర్మిస్తోంది. ఈ మూవీలో నివేదా పేతురాజ్, అనస్వర రాజన్ కీలక పాత్రల్లో నటిస్తున్నారు.
ఈ చిత్రానికి ఎస్ థమన్ సంగీతాన్ని అందిస్తున్నాడు. బాబీ గత సినిమాల్లో చూపించిన మాస్ ఎలిమెంట్స్, చిరంజీవి స్క్రీన్ ప్రెజెన్స్తో మరో భారీ కమర్షియల్ ఎంటర్టైనర్గా సినిమా ఉండబోతుందని భావిస్తున్నారు మూవీ లవర్స్. బ్లడీ బెంచ్మార్క్ మూవీగా వస్తోందంటూ సినిమాపై హైప్ క్రియేట్ చేస్తున్నారు చిరు-బాబీ.
From the picturesque locales of Pollachi to an explosive new chapter 💥#MEGA158 Second Schedule Begins in Hyderabad and progressing at a blazing pace, where MEGASTAR @KChiruTweets is turning every shot into a spectacle and every scene into a celebration❤️🔥
— KVN Productions (@KvnProductions) June 22, 2026
