Acharya in OTT | అనుకున్న తేదీ కంటే చాలా ముందుగా ఓటీటీలోకి ఆచార్య

Acharya Movie in OTT | మెగాస్టార్ చిరంజీవి, రామ్ చరణ్ హీరోలుగా నటించిన సినిమా ఆచార్య. కొర‌టాల శివ తెర‌కెక్కించిన ఈ చిత్రానికి దారుణ‌మైన క‌లెక్ష‌న్స్ వ‌స్తున్నాయి. ఈ సినిమాకు నెగెటివ్ టాక్ రావ‌డంతో దీని ప్ర‌భావం తొలి రోజు నుంచే క‌లెక్ష‌న్స్‌పై ప‌డింది. దీంతో ఈ సినిమాను చెప్పిన తేదీ కంటే రెండు వారాలు ముందుగానే అమెజాన్ ప్రైమ్ లో విడుదల చేయాలని చూస్తున్నారు దర్శక నిర్మాతలు. దీనివల్ల ఓ లాభం ఉంటుంది. ముందుగానే సినిమాను ఇచ్చేస్తే అమెజాన్ ప్రైమ్ వీడియోస్‌ తిరిగి నిర్మాతలకు డబ్బులు చెల్లిస్తుంది. దీన్ని ఎర్లీ విండో ప్రాసెస్ అంటారు.

తెలుగులో రాధే శ్యామ్ సినిమాకు ఇది అప్లై అయింది. చెప్పిన తేదీ కంటే రెండు వారాలు ముందుగానే ఈ సినిమా అమెజాన్ ప్రైమ్ లో వచ్చేసింది. అందుకు గానూ నిర్మాతలకు రూ.25 కోట్లు అదనంగా చెల్లించింది అమెజాన్. ఇప్పుడు ఆచార్యకు కూడా ఇదే జరిగేలా కనిపిస్తుంది. ఈ సినిమాను నాలుగు వారాల తర్వాత విడుదల చేసేలా ముందుగా ఒప్పందం కుదుర్చుకున్నారు. కానీ ఇప్పుడున్న పరిస్థితులు.. వస్తున్న వసూళ్లు చూసిన తర్వాత చిరంజీవి నిర్ణయం మార్చుకున్నట్లు ప్రచారం జరుగుతుంది. పైగా ఈ సినిమా కోసం చిరు, చరణ్ తో పాటు కొరటాల కూడా ఒక్క రూపాయి రెమ్యునరేషన్ తీసుకోలేదని ముందు నుంచి చెప్పారు. మరి వీళ్లకు డబ్బులు రావాలంటే అమెజాన్ ప్రైమ్‌కు ముందుగానే సినిమాను ఇచ్చేస్తే కనీసం 10 కోట్లు అయినా వెనక్కి వచ్చే అవకాశం ఉంటుంది.

ఏప్రిల్ 29న విడుదలైన ఈ చిత్రం.. మే 30వ తేదీ కానీ జూన్ మొదటి వారంలో కానీ ఓటీటీలో విడుదల కానుందని ముందు నుంచి సమాచారం ఉంది. కానీ తాజాగా వినిపిస్తున్న సమాచారం ప్రకారం ఆచార్య మే 12న విడుదల కానుందని తెలుస్తుంది. అంటే కేవలం రెండు వారాల్లోనే ఈ సినిమా ఓటీటీలో వచ్చేస్తుందన్నమాట. చిరు సినిమా కాబట్టి కచ్చితంగా ఫ్యామిలీ ఆడియన్స్ చూస్తారు. అమెజాన్ లో అయినా ఈ సినిమాకు మంచి అప్లాజ్ వస్తుందని నమ్ముతున్నారు దర్శక నిర్మాతలు. ఏదేమైనా ఆచార్య అనుకున్న దానికంటే ముందు రావడం అభిమానులకు మాత్రం సంతోషించదగ్గ విషయమే.

Read More  :

“Regina Cassandra | హ‌ద్దులు దాట‌డంపై రెజీనా ఏం చెప్పుకొచ్చిందంటే..?”

“Pooja Hegde | బీస్ట్ సినిమాలో విజ‌య్‌తో న‌టించ‌డంపై పూజా హెగ్డే రియాక్ష‌న్ ఏంటి?”

“రిటైర్మెంట్ పై ఆ అగ్ర దర్శకుడు ఇంకా మనసు మార్చుకోలేదా..?”