ఎందరో స్వాతంత్ర సమరయోధుల త్యాగాల ప్రతిఫలం కారణంగా మనం అందరం ఈ రోజు ఎంతో సంతోషంగా ఉంటున్నాం. వారి త్యాగాలను గుర్తు చేసుకుంటూ ప్రతి ఏడాది స్వాతంత్ర దినోత్సవ వేడుకలు జరుపుకుంటున్నాం. ఈ ఏడాది 75వ స్వాతంత్ర్య దినోత్సవ వేడుకలు జరుపుకుంటుండగా, భారతీయులకు పలువురు సినీ ప్రముఖులు శుభాకాంక్షలు తెలియజేస్తున్నారు.
అందరికీ 75 వ స్వాతంత్ర్య దినోత్సవ శుభాకాంక్షలు.. ఎందరో స్వాతంత్ర్య సమరయోధుల త్యాగాల ఫలితంగా సంతోషంగా ఉన్నాం. వారి త్యాగాలకు ఎంతో రుణపడి ఉంటాము. వారిచ్చిన అమూల్యమైన బహుమతిని గౌరవించడం మన కర్తవ్యం అని చిరంజీవి తన ట్వీట్లో పేర్కొన్నారు.
75 వ స్వాతంత్ర్య దినోత్సవ శుభాకాంక్షలు. జై హింద్ అంటూ జూనియర్ ఎన్టీఆర్ తన ట్వీట్లో పేర్కొన్నారు.
స్వేచ్ఛ, స్పూర్తి మనల్ని ఐక్యంగా ఉంచడంతో పాటు అందరిని ప్రగతి మార్గంలో నడిపిస్తుందని తెలియజేస్తూ అందరికి75వ స్వాతంత్ర్య దినోత్సవ శుభాకాంక్షలు తెలియజేశారు.
పవన్ కళ్యాణ్ మంగళగిరి ప్రధాన కార్యాలయంలో జెండా ఎగరేసి స్వాతంత్ర్య దినోత్సవ వేడుకలు జరుపుకున్నాడు. మిగతా స్టార్స్ కూడా తమ సోషల్ మీడియా ద్వారా శుభాకాంక్షలు తెలియజేశారు.