Boyapati Sreenu | రెండేళ్ల కిందట వచ్చిన అఖండ బాక్సాఫీస్ దగ్గర ఎలాంటి విధ్వంసం సృష్టంచిందో ప్రత్యేకించి చెప్పనవసరం లేదు. కొన్ని చోట్ల 50% ఆక్యూపెన్సీతో రిలీజై కోట్లు కొల్లగొట్టింది. ఇక ఈ సినిమా సక్సెస్లో మేజర్ క్రెడిట్ దక్కింది థమన్ మ్యూజిక్కే. సో సోగా ఉన్న ఎన్నో సీన్లకు థమన్ తన బ్యాక్గ్రౌండ్ మ్యూజిక్తో ప్రాణం పోశాడు. మరీ ముఖ్యంగా బాలయ్య ఇంట్రో సీన్లకు, ఆయన డైలాగ్స్ చెప్పే అప్పుడు వచ్చే మ్యూజిక్, ఇంటర్వెల్, క్లైమాక్స్ ఇలా సినిమా మొత్తం థమన్ మ్యూజికే వినబడతుంది. ఒక సినిమాకు మ్యూజిక్ ఎంత అవసరమో అఖండ సినిమా చూస్తే సరిపోతుంది అన్న రేంజ్లో మ్యూజిక్ కొట్టాడు.
కాగా తాజాగా బోయపాటి థమన్ మ్యూజిక్ను కాస్త తక్కువ చేసినట్లు మాట్లాడు. థమన్ మ్యూజిక్ లేకుండా అఖండ చూసినా.. ప్రేక్షకులకు అంతే ఎగ్జైట్మెంట్ కలిగించేదని.. ఆ సినిమాను చూసి గర్వపడేవాళ్లని బోయపాటి వెల్లడించాడు. ఆ కథలో అంత దమ్ము ఉందని, సినిమాలో అంత విషయం ఉండబట్టే తమన్ కూడా ఎంతో ఇన్స్పైర్ అయి నేపథ్య సంగీతం చేశాడని.. ఈ విషయంలో తన క్రెడిట్ తనకు ఇవ్వాల్సిందే అని బోయపాటి చెప్పుకొచ్చాడు. ఓ వైపు థమన్ను తక్కువ చేసి మాట్లాడుతూనే మరోవైపు క్రెడిట్ తనకే అంటూ ఆకాశానికి ఎత్తేశాడు.
దీనిపై పలువురు థమన్ ఫ్యాన్స్ హర్ట్ అవుతున్నారు. అసలు అఖండ సినిమాకు మేజర్ బ్యాక్బోనే థమన్ మ్యూజిక్ అని, ఆయన మ్యూజిక్ లేకపోతే అఖండ కొట్టుకేపోయేదని కామెంట్స్ చేస్తున్నారు.