Bigg Boss 9 | ఫ్యామిలీ వీక్ వాయిదా .. బీబీ రాజ్యం టాస్క్‌తో హౌస్‌లో హంగామా

Bigg Boss 9 | బిగ్ బాస్ తెలుగు సీజన్ 9 క్రమంగా క్లైమాక్స్ వైపు దూసుకెళ్తోంది. ఇప్పటికే ఈ రియాలిటీ షో 10వ వారంలోకి అడుగుపెట్టింది. అంటే సీజన్ ప్రారంభమై దాదాపు 70 రోజులు పూర్తయినట్టే.

Bigg Boss 9 | బిగ్ బాస్ తెలుగు సీజన్ 9 క్రమంగా క్లైమాక్స్ వైపు దూసుకెళ్తోంది. ఇప్పటికే ఈ రియాలిటీ షో 10వ వారంలోకి అడుగుపెట్టింది. అంటే సీజన్ ప్రారంభమై దాదాపు 70 రోజులు పూర్తయినట్టే. ప్రారంభంలో 14 మంది కంటెస్టెంట్స్‌తో మొదలైన ఈ సీజన్‌లో, తరువాత ఐదుగురు వైల్డ్ కార్డ్ ఎంట్రీలు ఇచ్చారు. ప్రస్తుతం హౌస్‌లో 11 మంది కంటెస్టెంట్లు ఉన్నారు. ఇక ఫ్యాన్స్ ఎక్కువగా ఎదురుచూసేది ఫ్యామిలీ వీక్. ప్రతి సీజన్‌లో 10వ లేదా 11వ వారంలో జరిగే ఈ ఎమోషనల్ ఎపిసోడ్స్ ప్రేక్షకుల మన్ననలు పొందుతాయి. ఈసారి కూడా అదే జరుగుతుందని అందరూ అనుకున్నారు. అయితే, తాజా సమాచారం ప్రకారం, బిగ్ బాస్ ఫ్యామిలీ వీక్‌ను వచ్చే వారానికి వాయిదా వేసినట్లు తెలుస్తోంది. కారణం హౌస్‌మేట్స్ అందరూ ముందుగానే ఆ అంచనాలు వేసుకోవడంతో సర్ప్రైజ్ ఫ్యాక్టర్ తగ్గిపోతుంది.

ఈ క్ర‌మంలో బిగ్ బాస్ ఈ వారం “బీబీ రాజ్యం” టాస్క్ ప్రారంభించారు. ఈ టాస్క్‌లో కళ్యాణ్ రాజుగా, దివ్య – రీతు రాణులుగా నటిస్తున్నారు. తనూజ, డీమాన్ పవన్, నిఖిల్, సంజన కమాండర్లుగా వ్యవహరిస్తున్నారు. ఇక ప్రజల పాత్రలో భరణి, ఇమ్మాన్యుయెల్, గౌరవ్, సుమన్ శెట్టి పాల్గొంటున్నారు. టాస్క్‌లో తమ ప్రతిభను నిరూపించుకునే క్రమంలో అందరూ శక్తివంతమైన పర్ఫార్మెన్స్ ఇస్తున్నారు. ఇందులో విజేతలకు ఇమ్యునిటీతో పాటు కెప్టెన్సీ కంటెండర్ ఛాన్స్ కూడా లభించనుంది. ఇక సీజన్ ముగింపుకు చేరువవుతున్న ఈ దశలో, టాప్ 5 లేదా 6 స్థానాల కోసం పోటీ హాట్‌గా మారింది. ప్రస్తుతం తనూజ, ఇమ్మాన్యుయెల్ ఫైనల్ వీక్ దాకా చేరడం దాదాపు ఖాయమని చెబుతున్నారు. కళ్యాణ్ కూడా టాప్ 5లో స్థానం దక్కించుకునే అవకాశం పక్కాగా కనిపిస్తోంది. ఇక సుమన్ శెట్టి అభిమానుల్లో మంచి క్రేజ్ సంపాదించుకున్నారు. డీమాన్ పవన్, రీతు, సంజన మధ్య చివరి స్థానాల కోసం పోటీ ఆసక్తికరంగా కొనసాగుతోంది.

మొత్తానికి ఈ వారం బిగ్ బాస్ హౌస్‌లో ఫ్యామిలీ ఫీలింగ్స్ కంటే వేరే ఫీలింగ్స్ ఎక్కువ‌గా రానున్నాయి. బిగ్ బాస్ ఇచ్చిన బీబీ రాజ్యం టాస్క్ లో ఎవరికి వారు పర్ఫార్మెన్స్ ఇచ్చి ఇమ్యునిటీ సాధించాలని ప్ర‌య‌త్నిస్తున్న నేప‌థ్యంలో సీజన్ 9 టాప్ 5 లేదా 6 ఎవరన్నది ఆసక్తికరంగా మారింది. తనూజ, ఇమ్మాన్యుయెల్ దాదాపు ఫైనల్ వీక్ దాకా ఉండటం కన్ ఫర్మ్ అని అనుకుంటూ ఉన్నా కూడా మిగిలిన నాలుగు స్థానాల్లో ఎవరెవరు ఉంటారన్నది చూడాలి. ఐతే కళ్యాణ్ కూడా టాప్ 5 పక్కా అనే విధంగా ఇమేజ్ క్రియేట్ అవుతుంది. మిగిలిన వారిలో సుమన్ శెట్టికి ఆడియన్స్ లో మంచి క్రేజ్ ఉంది. డీమాన్ పవన్, రీతు, సంజన వీరిలో నెక్స్ట్ మూడు స్థానాలు ఎవరన్నది రాబోయే వారాల్లో వారి ఆటని బట్టి తెలుస్తుంది.