బిచ్చగాడు ప్రభంజనానికి ఐదేళ్లు

కొన్ని సినిమాలు విడుదలైనపుడు కనీసం ప్రేక్షకులు పట్టించుకోరు. వచ్చిన విషయం కూడా తెలియదు. అలాంటి ఓ సినిమా విజయ్ ఆంటోనీ హీరోగా నటించిన బిచ్చగాడు.

May 13, 2021 / 09:45 PM IST

కొన్ని సినిమాలు విడుదలైనపుడు కనీసం ప్రేక్షకులు పట్టించుకోరు. వచ్చిన విషయం కూడా తెలియదు. అలాంటి ఓ సినిమా విజయ్ ఆంటోనీ హీరోగా నటించిన బిచ్చగాడు. ఈ సినిమా విడుదలై 5 ఏళ్లు గడిచింది. 2016 మే 13న విడుదలైన బిచ్చగాడు సంచలన విజయం సాధించింది. సంచలనం అనేది కూడా చిన్న విషయమే అవుతుంది. 100 రోజుల సినిమాలు కనుమరుగు అవుతున్న ఈ సమయంలోనూ ఊరు పేరు లేకుండా వచ్చిన ఈ చిత్రం కలెక్షన్స్ ప్రభంజనం సృష్టించింది. గతంలో వెంకటేష్ తో శీను సినిమా తెరకెక్కించిన శశి బిచ్చగాడు సినిమాను తెరకెక్కించాడు. మదర్ సెంటిమెంట్ తో వచ్చిన ఈ చిత్రం తమిళంలో యావరేజ్ గానే ఆడినా తెలుగులో మాత్రం చరిత్ర సృష్టించింది. విజయ్ ఆంటోనీకి తెలుగులో మార్కెట్ సంపాదించింది. ఈ సినిమా ఫైనల్ కలెక్షన్స్ ఏంటో చూద్దాం..

నైజాం- 3.20 కోట్లు
సీడెడ్- 3.75 కోట్లు
ఉత్తరాంధ్ర- 2.25 కోట్లు
ఈస్ట్- 1.15 కోట్లు
వెస్ట్- 1.12 కోట్లు
గుంటూరు- 1.48 కోట్లు
కృష్ణా- 1.20 కోట్లు
నెల్లూరు- 0.65 కోట్లు

ఏపీ + తెలంగాణ (టోటల్)- 14.80 కోట్లు

బిచ్చగాడు సినిమా తెలుగు వర్షన్ కేవలం 2 కోట్ల లోపే అమ్మారు. విడుదలైనపుడు అవి కూడా వస్తాయా రావా అనే అనుమానాలు ఉండేవి. కానీ ఊహించని విధంగా 14.8 కోట్ల షేర్ వసూలు చేసింది. తద్వారా 12.6 కోట్ల లాభాలు అందించింది. బిచ్చగాడు సినిమాతో నిర్మాత చదలవాడ తిరుపతిరావు కోట్ల రూపాయల లాభాలు అందుకున్నాడు. 100 రోజుల వరకు కూడా రోజూ పేపర్ లో యాడ్ ఇవ్వడం అప్పట్లో ఇండస్ట్రీలో హాట్ టాపిక్.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి