మలినేనితో మళ్లీ..?

రెండేళ్ల క్రితం ‘వీరసింహారెడ్డి’గా బాలకృష్ణ చేసిన సంక్రాంతి సందడి అంతా ఇంతా కాదు. మలినేని గోపీచంద్‌ దర్శకత్వంలో రూపొందిన ఆ సినిమా వందకోట్ల విజయాన్ని సాధించి బాలయ్య కెరీర్‌లో మెమరబుల్‌ బ్లాక్‌ బస్టర్‌గా నిలిచింది. మొన్నటి సంక్రాంతికి కూడా ‘డాకూ మహరాజ్‌'గా బాక్సాఫీస్‌ని షేక్‌ చేశారు బాలకృష్ణ.

రెండేళ్ల క్రితం ‘వీరసింహారెడ్డి’గా బాలకృష్ణ చేసిన సంక్రాంతి సందడి అంతా ఇంతా కాదు. మలినేని గోపీచంద్‌ దర్శకత్వంలో రూపొందిన ఆ సినిమా వందకోట్ల విజయాన్ని సాధించి బాలయ్య కెరీర్‌లో మెమరబుల్‌ బ్లాక్‌ బస్టర్‌గా నిలిచింది. మొన్నటి సంక్రాంతికి కూడా ‘డాకూ మహరాజ్‌’గా బాక్సాఫీస్‌ని షేక్‌ చేశారు బాలకృష్ణ. ఓ వైపు వరుస విజయాలు, మరోవైపు పద్మభూషణ్‌ పురస్కారం.. మొత్తానికి బాలకృష్ణ మామూలు ఫామ్‌లో లేరు. ఈ జోష్‌లోనే మరోసారి మలినేని గోపీచంద్‌తో చేతులు కలిపారాయన. మైత్రీమూవీమేకర్స్‌ ఈ చిత్రాన్ని నిర్మించనున్నారు. ప్రస్తుతం బోయపాటి ‘అఖండ-తాండవం’ షూటింగ్‌లో బాలకృష్ణ బిజీగా ఉన్నారు. దసరాకు ఆ సినిమా విడుదల కానుంది. మలినేని గోపీచంద్‌ కూడా బాలీవుడ్‌లో సన్నీడియోల్‌తో ‘జాత్‌’ అనే సినిమా చేస్తున్న విషయం తెలిసిందే. ఈ రెండు సినిమాలు పూర్తయ్యాకే ఈ తాజా ప్రాజెక్ట్‌ పట్టాలెక్కుతుందని తెలుస్తున్నది. దీనికి సంబంధించిన అధికారిక ప్రకటన త్వరలో రానుంది.