సంక్రాంతికి ‘ఎల్లమ్మ’ పరిచయం

బలగం’ చిత్రంతో ప్రతిభావంతుడైన దర్శకుడిగా గుర్తింపు తెచ్చుకున్నారు వేణు యెల్దండి. రక్త సంబంధాల గొప్పతనాన్ని మానవీయ కోణంలో ఆవిష్కరించిన ‘బలగం’ చిత్రానికి సర్వత్రా ప్రశంసలు దక్కాయి.

‘బలగం’ చిత్రంతో ప్రతిభావంతుడైన దర్శకుడిగా గుర్తింపు తెచ్చుకున్నారు వేణు యెల్దండి. రక్త సంబంధాల గొప్పతనాన్ని మానవీయ కోణంలో ఆవిష్కరించిన ‘బలగం’ చిత్రానికి సర్వత్రా ప్రశంసలు దక్కాయి. ఈ నేపథ్యంలో వేణు యెల్దండి తాజా చిత్రం ‘ఎల్లమ్మ’ గురించి ప్రేక్షకులు ఆసక్తిగా ఎదురుచూస్తున్నారు. మంగళవారం ఈ సినిమా తాలూకు అప్‌డేట్‌ను సోషల్‌మీడియాలో ఓ వీడియో ద్వారా వెల్లడించారు వేణు యెల్దండి. సంక్రాంతి కానుకగా ఈ నెల 15వ తేదీ సాయంత్రం ‘ఎల్లమ్మ’ సినిమా ప్రకటనతో పాటు గ్లింప్స్‌ను విడుదల చేయబోతున్నట్లు తెలిపారు. శ్రీ వెంకటేశ్వర క్రియేషన్స్‌ పతాకంపై అగ్ర నిర్మాత దిల్‌ రాజు ఈ చిత్రాన్ని తెరకెక్కించబోతున్నారు. ఈ సినిమా ద్వారా స్టార్‌ మ్యూజిక్‌ డైరెక్టర్‌ దేవిశ్రీప్రసాద్‌ హీరోగా పరిచయం కాబోతున్నట్లు సమాచారం. గురువారం రిలీజ్‌ చేసే గ్లింప్స్‌తో ఈ సినిమా తాలూకు పూర్తి వివరాలు వెల్లడికానున్నాయి.