బిగ్ బాస్ గేమ్ రోజురోజుకు రసవత్తరంగా మారుతుంది. బిగ్ బాస్ ఇచ్చే ట్విస్ట్లకి హౌజ్మేట్సే కాదు ప్రేక్షకులు కూడా బిత్తరపోతున్నారు. మంగళవారం జరిగిన ఎపిసోడ్లో నామినేషన్ గురించి కాసేపు డిస్కషన్ జరిగింది. సన్నీ-మానస్లు ఓ చోట కూర్చొని నామినేషన్స్ విషయంలో కాజల్ తీసుకున్న నిర్ణయంపై చర్చించారు. ఉంటే కలిసి ఉందాం.. పీకితే కలిసే పీకుదాం.. ఫైట్ చేద్దాం.. మనల్ని సేవ్ చేయకూడదని కాజల్ అనుకుంది.. చివరికి దేవుడు ఏం చేశాడో చూశాం కదా.. నామినేషన్స్ అనేది గేమ్ కాదు.. బయటకు పంపే ప్రక్రియ దాన్ని సిల్లీగా తీసుకోకూడదు అని మానస్తో చెప్పాడు సన్నీ.
ఇక మానస్ వెనక ప్రియాంక తిరుగుతూ కనిపించింది. మానస్కే చిరాకు పుట్టి నాకు కావాల్సింది నేను పెట్టుకుంటా.. నువ్ పెట్టాల్సిన పనిలేదని పింకీపై అసహనం వ్యక్తం చేశాడు మానస్. ఆ తరువాత మళ్లీ ప్రియాంక.. తింటున్న మానస్ దగ్గరకు వచ్చి ఏమైనా కావాలా మానస్.. పెరుగు అన్నం తీసుకుని రానా? అని అడిగింది. వద్దుని చెప్పాడు మానస్.
కొంచెం తిను మానస్ అంటే నాకు కావాలనిపిస్తే నేను పెట్టుకుంటా.. అని చెప్పాడు. దీంతో నేను ఏమైనా మిస్టేక్ చేశానా? అని ప్రియాంక అడగడంతో.. తింటున్నా తరువాత మాట్లాడతా అని చెప్పాడు మానస్. అయితే ఇదంతా గమనించిన సన్నీ.. పింకీతో మాట్లాడి పరిస్థితి గురించి చెప్పు అంతే తప్ప సడెన్గా దూరం పెట్టకు అని చెప్పాడు. ఈ ఎపిసోడ్లో పింకీని చూసి ప్రేక్షకులకే చిరాకు పుట్టింది. ఈమె బిగ్ బాస్ గేమ్ ఆడడానికి వచ్చిందా, మానస్ వెనక పడడానికి వచ్చిందా అంటూ సెటైర్స్ వేస్తున్నారు.