Visit:
Animal Movie | అర్జున్‌ రెడ్డి సినిమాతో టాలీవుడ్‌ రూపు రేఖలు మార్చేసిన సందీప్‌ రెడ్డి వంగా.. అదే సినిమాను హిందీలో రీమేక్‌ చేసి అక్కడ కూడా సంచలన విజయం సాధించాడు. అయితే అర్జున్‌ రెడ్డి తర్వాత సందీప్‌ నుంచి మరో స్ట్రెయిట్‌ సినిమా రాలేదు. దాంతో తన తదుపరి సినిమా ఏ రేంజ్‌లో ఉంటుందా అని సినీ లవర్స్‌ అమితాసక్తితో ఎదురు చూస్తున్నారు. ప్రస్తుతం సందీప్‌.. రణ్బీర్ కపూర్‌తో ‘యానిమల్‌’ సినిమా చేస్తున్నాడు. ఇప్పటికే రిలీజైన ప్రీ టీజర్‌ ఏ లెవల్లో విధ్వంసం సృష్టించిందో ప్రత్యేకించి చెప్పనవసరం లేదు. మాస్క్ పెట్టుకుని ఉన్న ఒక రౌడీ గ్రూప్‌ను గొడ్డలితో నరుకుతూ రక్తపాతం సృష్టించిన తీరు ఇప్పటికీ రణ్బీర్ ఫ్యాన్స్‌ మర్చిపోలేకపోతున్నారు. ప్రీ టీజరే ఈ లెవల్లో ఉంటే టీజర్‌ ఇంకా ఏ రేంజ్‌లో ఉంటుందో అని అప్పుడే విజువలైజేషన్ చేసుకుంటున్నారు.
కాగా తాజాగా ఈ సినిమా టీజర్‌కు సంబంధించిన ఓ మాస్సీవ్‌ అప్‌డేట్‌ నెట్టింట తెగ వైరల్ అవుతుంది. ఈ సినిమా టీజర్‌ను రణ్బీర్ బర్త్‌డే సందర్భంగా సెప్టెంబర్‌ 28న రిలీజ్‌ చేయబోతున్నట్లు బాలీవుడ్ మీడియా కోడై కూస్తుంది. ఇప్పటికే టీజర్‌ కట్‌కు సంబంధించిన పనుల్లో చిత్రబృందం మునిగిపోయిందని టాక్‌. గ్యాంగ్ స్టార్ నేపథ్యంలో తెరకెక్కుతున్న ఈ సినిమాలో రష్మిక హీరోయిన్ గా నటిస్తు్ంది. బాలీవుడ్ స్టార్ అనీల్ కపూర్.. రణ్బీర్ కు ఫాదర్ గా కనిపించనున్నాడు. ఇటీవలే రణ్బీర్ కపూర్ కు సంబంధించిన కొన్ని ఫోటోలు లీకై నెట్టింట తెగ వైరల్ అయ్యాయి. అందులో క్లీన్ షేవ్ తో ఉన్న రణ్బీర్ లుక్ ప్రేక్షకులను తెగ ఆకట్టుకుంటుంది.
రివేంజ్ డ్రామా నేపథ్యంలో ఈ సినిమా తెరకెక్కుతుందని ఇన్‌సైడ్‌ టాక్‌. కాగా ముందుగా ఈ సినిమా ఆగస్టు 11న రిలీజ్‌ చేయాలని విశ్వ ప్రయత్నాలు చేసినా.. వీఎఫ్‌ఎక్స్‌ కారణంగా డిసెంబర్‌కు పోస్ట్‌ పోన్‌ చేశారు. ఇక ఎలాగో రిలీజ్‌కింకా టైమ్‌ ఉంది కనుక ఎడిటింగ్‌ రూమ్‌లో ఎక్కువ కసరత్తులే చేస్తున్నారట చిత్రబృందం. ఈ సినిమాను భద్రకాళి పిక్చర్స్‌, టీ సిరీస్‌ సంస్థలు సంయుక్తంగా నిర్మిస్తున్నాయి.
