Andre Braugher | హాలీవుడ్ న‌టుడు ఆండ్రీ బ్రౌగ‌ర్ క‌న్నుమూత‌

గ‌త కొంతకాలంగా అనారోగ్యంతో బాధ‌ప‌డుతున్న హాలీవుడ్ న‌టుడు ఆండ్రీ బ్రౌగ‌ర్ (Andre Braugher) మ‌ర‌ణించారు. ప‌లు టీవీ షోల్లో త‌న న‌ట‌న‌తో ప్రేక్ష‌కుల‌ను ఆండ్రీ బ్రౌగ‌ర్ (61) విశేషంగా ఆక‌ట్టుకున్నారు.

న్యూయార్క్ : గ‌త కొంతకాలంగా అనారోగ్యంతో బాధ‌ప‌డుతున్న హాలీవుడ్ న‌టుడు ఆండ్రీ బ్రౌగ‌ర్ (Andre Braugher) మ‌ర‌ణించారు. ప‌లు టీవీ షోల్లో త‌న న‌ట‌న‌తో ప్రేక్ష‌కుల‌ను ఆండ్రీ బ్రౌగ‌ర్ (61) విశేషంగా ఆక‌ట్టుకున్నారు. బ్రౌగ‌ర్‌కు భార్య, న‌టి అమి బ్రాబ్స‌న్‌, ముగ్గురు కుమారులున్నారు. ఆండ్రీ మ‌ర‌ణంతో ప్ర‌పంచ‌వ్యాప్తంగా ఆయ‌న అభిమానులు దిగ్ర్భాంతికి గుర‌య్యారు.

కామెడీ షో బ్రూక్లిన్ నైన్‌-నైన్‌లో కెప్టెన్ రేమాండ్ హాల్ట్ పాత్ర‌లో ఆండ్రీ అంద‌రినీ ఆక‌ట్టుకున్నారు. 1990ల్లో హోమిసైడ్ : లైఫ్ ఆన్ ది స్ట్రీట్‌లో డిటెక్టివ్ ఫ్రాంక్ పెంబ్లిట‌న్ పాత్ర‌తో ఆయ‌నకు ప్రాచుర్యం ల‌భించింది. కామెడీ సిరీస్‌లో ఆయ‌న‌కు రెండు క్రిటిక్స్ ఛాయిస్ అవార్డ్స్ ల‌భించాయి. దీనికి తోడు ఆండ్రీ నాలుగు ఎమ్మీ నామినేష‌న్స్ కూడా స్వీరించారు.

హార్వీ వీన్‌స్టీన్ స్కాండ‌ల్‌పై న్యూయార్క్ టైమ్స్ రిపోర్ట్ ఆధారంగా తెర‌కెక్కిన షి సెడ్ డ్రామాలో ఇటీవ‌ల ఆయ‌న క‌నిపించారు. ఈ ప్రాజెక్టులో న్యూయార్క్ టైమ్స్ ఎగ్జిక్యూటివ్ ఎడిట‌ర్ డీన్ బాక్వెట్ పాత్ర‌లో ఆయ‌న క‌నిపించారు. ఇక ఆండ్రీ బ్రౌగ‌ర్ తాను న‌టిస్తూ తెర‌కెక్కించిన ల‌వ్ సాంగ్స్ షోటైం ట్రియాల‌జీలోనూ క‌నిపించారు. బ్రౌగ‌ర్ 1962, జులై 1న చికాగోలో జ‌న్మించారు.

Read More :

Hyderabad | భార్య ఉరేసుకుంటుండగా వీడియో తీసిన భర్త